أسررررع حلى ويواجه والكل بيسألك عنه والمقادير سهله

صباحكم/مسائكم عسل
بأقولكم قصةهالحلى كنت معزومة في استراحة عند أهل زوجي وسويت بسبوسة الجبن والجلكسي اللي فوقهاشعرية يوم قطعت الحلى صار يتقطع يعني ماضبطت مقاديرالبسبوسة وصرت كذاوالله ماأدري وش أسوي:icon33::icon33:أول مرة يصيرلي هالموقف ومافيه وقت للتفكير أوأسوي نوع ثاني:44:وباقي نص ساعة ونروح للاستراحة وبعدين جاء في خاطري أطلع أبداااعااااااتي:cook:>>>أسوي دعاية:hahaha:
لأني من النوع اللي أحب أغيرالمقادير وأألف والحمدلله تمشي خصوصاالسلطة أوحلى العشاء لكن حلى القهوة ماقد جربت..كني كتبت قصة حياتي:hahaha:
ندخل في المقادير/
المهم كانى عندي
<كيك بالشكولاته اللي يكون في قصدير.أي نوع .أناكان عندي سويتزقطعته شرايح وحطيته في الصينية اللي يكون لهاغطاء
وبعدين خلطت علبة قشطة وباكيت كريمة وملعقة صغيرة نسكافية وحطيتهاعلى الكيك >>ماتحتاج خلاط بالملعقة يكفي
والزينة على ذوقك أناكان عندي بسكوت زي أصابع رينجو بنكهة النسكافية كسرته وكان عندي فارمسيل لتزيين الكيك وممكن تستغنين عنه وبعدين زينته بالهرشي ودخلته الفريزر أسرع ورحت ألبس وتحضيره أقل من 5دقايق :time:يو م رحت انهبلوا عليههه مادروا وش سالفته ويقولون لي ورى ماسويتي كمية كبيرةوأخذواالطريقةوأول ماشافوه يقولون شكلك تعبانه عليه>>>>أنواااع المدح:27: بس قلت لسلفتي السالفة وسوته من بكرة لأهلهاوماااشاءالله أعجبهم وطلبوامقاديره وسويته مرةثانية واستخدمت رينجو وفستق ولوز شرايح في تزييينه..
وعشاني احبكم قلت لازم أعلمكم..هالحلى السهل..وبإذن الله أصوره وأنزل الصور....
وبالعافية على قلوبكم ولاتنسوني من دعواتكم..