كيف الحال؟
_________________________
الموضوع هذا جميل ومهم صراحه الأشياء هذي لازم
تسوينها في بداية حياتك صراحه لان العقل يضعف مع الكِبَر وماابيك تفهمين من كلامي ان الي توصل ٥٠ خلاص مو أنثى ولا تهتم بالعكس!! بس اقصد سويها الحين 💗💗💗.
_________________________
أهم الأشياء الي لازم تعودين نفسك عليها من الآن:
علاقتك مع الله سبحانه وتعالى👑💗:
❤️:تعويد النفس على السنن الرواتب وهي:
(١)ركعتين قبل الفجر.
(٢) اربع ركعات قبل الظهر .
(٣) ركعتين بعد الظهر .
(٤) ركعتين بعد المغرب .
(٥) ركعتين بعد العشاء.
❤️:المحافظه على ورد يومي للقرآن الكريم .
تخصصين ورد من القرآن الكريم تقومين بقرائته بعد كل فرض وابيك تختمين كل شهر💗،عاد حددي وش يناسبك كم ختمه يعني انصحك تبدئين ب (١) ختمه وحده فقط ،وبالنسبه لشهر رمضان زيدي عدد الختمات.💗
❤️:الاستغفار يومياً وبنية غفران الذنوب :
بعض الناس يستغفر ب نية وظيفه!! الصحيح هو الاستغفار ب نية غفران الذنوب لأنها هي التي تحول بينك وبين الرزق والعياذ بالله ، اما الاستغفار ب نية اشياء معينه لا تقومي بذلك بل استغفري ب نية التقرب لله عز وجل وغفران الذنوب💗.
❤️:الحجاب الحجاب الحجاب الحجاب الحجاب الحجاب :
موضوع مهم مره وبعض الآنسات تتهاون فيه والعياذ بالله ! لا والطامه والمصيبه الكبرى بعضهم يؤمن ان الحجاب كشف للوجه وليس تغطيته😳،يعني عفواً تقصدين ان الصحابيات وزوجات النبي صل الله عليه وسلم كانوا هكذا؟
لايضحكون عليك دُعاة باب جهنم✋🏻
وبإذن الله راح اتكلم عن الحجاب ومتى نزل و دلائل عليه وهكذا
المهم البسي الحجاب الشرعي كامل والبسي القفازين والجوارب 💗.
❤️:الاكثار من الدعاء :
اكثري من الدعاء لنفسك بما تتمنينه في الدنيا ولمصيرك في الاخره💗
❤️:صومي الاثنين والخميس واغتنمي الايام الفضيله:
صومي وقومي الليل لان الدنيا هذه مجرد سنوات بسيطه ثم حياه ابديه اسال الله ان يحرم وجوهنا عن النار💗.
________________________
اما بالنسبه للأمور الدنيويه💗
❤️:اذا كنتي طالبه خُذي شهاده واحصلي على وظيفه
جيده .
الاستقلاليه الماليه شيء مهم عشان حتى اذا دخلتي مشروع زواج تساندين زوجك وتوازنون مصاريف البيت او حتى ممكن تتفقون انه هو يصرف وانتي تدخرين راتبك الين تحتاجونه 💗.
❤️: اهتمي بنفسك 🩰:
العبي رياضه وغيري اكلك واهتمي ببشرتك 💗
خصصي لك ساعه تلعبين فيها رياضه
وخصصي لك مكان بالثلاجه لاكلك الصحي
اشربي يوميا في الصباح على الريق وقبل النوم عصير طازج بصنع يديك
اهتمي ببشرتك من كريمات وغسولات وسيرومات
واهم شيء ماتكون فرنسيه✋🏻.
❤️:اقرئي كُتب :
لا اقصد روايات ابداً✋🏻
ولا كتب فلسفيه ✋🏻
اي شيء يرفعك فوق ويزيدك علم بدينك وبصحتك اقرئيه ماعندك مشكله واحرصي ان الكاتبين مسلمين لان بعض الكُتّاب ينثر السم في اجمل الكلمات وادق الأوصاف ✋🏻.
❤️:زوري اقاربك :
زوري اقاربك واهتمي فيهم واذا ماقدرتي اتصلي عليهم وخذي موعد عشان تزورينهم ولاتطولين عندهم عشان ماتتعبهم زياراتك المتكرره لانها صِلة رحم💗
ومو مشكله اذا كان معك مبلغ مالي تعطينهم هديه
ترا بعضهم يبين لك انه تمام وهو محتااااج✋🏻
❤️:استيقظي مبكراً:
مايعرف لذة الصباح الا الي يصحى الصباح جمال وحياه وبركة في الوقت وكل شيء💗.
❤️:كافئي نفسك على اي انجاز:
اي انجاز سويتيه كافئي نفسك عليه
عندي فكره احب الناس يطبقونها والي هي
الي حابه تلتزم على عاده تروح موقع الكتروني وتحط منتج خاطرها تشتريه في سلة التسوق وتحدد مده معينه اذا وصلت لهالمده بدون ماتخرب تطلب لنفسها💗
______________________
اهتمامك بعلاقتك مع الرب جل في علاه و مع نفسك
شيء لازم يستمر الى مماتك ووصولك لعمر١٠٠ سنه مايعني تهملين نفسك✋🏻
جزاك الله خير موضوعك روعه🌹🌹