أصارحها بسبب فركشت خطوبتها ؟!

مرحبا ياجميلات ..
صديقتي ( دلال ) بتخطب لأخوها ماعنده شرط غير الأخلاق والطيب ودليتها على صديقة لي اسمها ( العنود )، العنود هذه غااااامضة وخلوقة وذربة ونعم البنت تثق فيني وصارحتني برغبتها بالزواج.
دلال راسلت العنود، عطتها رقم أختها الكبيرة اسمها ( نورة ).
نورة أخت العنود حسب وصف دلال : فيها عاهة عقلية بسييطة بمعنى ماتحسين عقلها كبير لا فيها شوي رجّة كأنها مب صاحية أو عقل طفلة، فهمتوا. _ قالت لي مواقف _. ( المفروض مب هي اللي تستقبل الخطاب ) !!
الزبدة راح أخو دلال وشافها قبل أهله لأن الأهل رفضوا يستقبلون الحريم ومن حقّهم.
تم التحليل وكلش وقال الرجال لأمه واخواته روحوا تعرفوا وتناقشوا في موضوع الملكة والشبكة 💍
راحوا وانطقوا عند الباب وقت طويل ويتصلون على ( نورة ) ولاترد ولما استقبلتهم بعد وقت قالت تراي اشوف اتصالك بس ماابي أرد !!!! 😶
أم العنود استقبلت ام العريس بنفس شينة وقالت هذي القهوة قهووا أنفسكم والا بسلامتكم. 😶
أم العريس عرّفت بنفسها وعيالها وبناتها وأنسابهم وهم مارضوا يجاوبون على أي سؤال !! مايعرفون من مناسبين !! يقولون بلا لقافة !!! 😂
طلعت لهم صديقتي العنود، بشكل غير مرتب _ بعيداً عن الجمال _ولا نفس حلوة وإجاباتها على السؤال جافة وأختها ( نورة ) محامية كنها في حلبة، غموض ولا حتى ابتسامة !!!
قدموا فطاير قالت أخته شكراً توي معالجة أسناني قالوا أهل العروس : لا تاكلين توفّرين علينا !! 😃💔
دلال تقول ماقلنا لأخوي شي لأن هو اللي بيتزوجها ولاودي نكسر خاطرها، بس أمي حزينة وغير مرتاحة لأهل العروس أبداً.

الخُلاصة ماكتب ربي نصيب والسبب واضح.
هل أصارح صديقتي العنود بأنه من طرفي واذكر سبب عدم تمام الموضوع والا مالي دخل ؟ 🥺
لأن العنود تجنن بس أهلها وتصرفها غريب !! والعريس ماشاء الله لقطة !! وهي وافقت عليه، والأسباب كانت تافهة لكنها مؤثرة للأسف.
أهلي يقولون لاتتدخلين .. أنا أدري إن ودها تتزوج مرررة، هل تحسون واجب علي كصديقة أوصل لها شي ؟
أحبها وأتمنى لها كل خير.


السالفة تفاصيلها كثيرة ، بس فعلاً محتارة.