أعاني من اكتئاب

السلام عليكم ورحمة الله
قبل سبع شهور توفت اختي الله يرحمها بعد ماولدت احلى بنوته عقب انتظار ١٥ سنه توفت بعد يوم من ولادتها الله يرحمها أنا للحين متاثرة من اللي حصل واحس بغصه في قلبي وأحس بضيق دايما تجيني فكره انها ممكن تكون حيه وماتوفت اتخيلها في كل مكان حتى بنتها احيان أجي اضمها بقوه احس أني اضم اختي
أنا من قبل وفات اختي أصلا احس باكتئاب دايم ابي انام ومالي خلق اطلع مكان ولااجلس مع اهلي اطفش بسرعه أحب اقعد في غرفتي وعلى هالمسلسلات ارتاح اكثر ماحسيت إنّو مضى ست سنين من تخرجي ولاعمري فكرت إنّو ليش ماتوضفت يعني وقتي كله على التلفيزون ووالواتس مع صديقاتي بس ماحس أني عايشه روتين سهر ثم مطبخ ثم نوم لحد العصر ثم تلفيزون وجوال أنا ودي أني استرجع روحي القديمه نفسي اقبل على الحياه أنا كنت قبل احس بياس فتره ويروح كنت أحب اصلي القيام كنت أحب الدعاء كنت أحب اطلب الله كل شي اتمناه بس من عقب وفاة اختي استغفر الله صرت اخاف بطلت أني ادعي بامنياتي لان وحده من الأخوات هنا كتبت انه ممكن الانسان يطلب شي من الله وهو مب خير له ويلح في الدعاء وربي يستجيب له ويكون هالشي نقمه أنا ركبت كلامها على اختي كانت دايم تطلب الذريه ويوم حملت توفت استغفر الله يمكن أني اسيئ لربي بهالطريقه لكن أنا جد أعاني وأعاني واعاني حتى أني صرت اخاف من الزواج وماعد صرت احلم أني أكون بيت واجيب ذريه رغم أني آموت على الاطفال كثير صرت احس بالم يجيني في صدري وأحس قلبي يوجعني وأحس ماقدر اتنفس
رحت وكشفت وحللت وتخطيط قالي من قبل مايسوي التخطيط إنتي مرضك نفسي وشكلك داخله مرحله اكتئاب جدا رغم أني ماحكيت له اي شي بس الاعراض اللي احسها أنا ماابي علاجات وادويه كيميائيه أنا كل اللي محتاجته احد يسمعني يفمهني ينصحني يدعيلي💔💔💔💔
أمس فكرت أبدى اهتم بنفسي وبشرتي وشعري لانهم صاروا عدم جتني عرض وضيفه في شركه بس في منطقه غير اللي ساكنه فيها ومتردده أني اقبل رغم أني أمي وجدتي وخالتي وابوي مايدين بس أنا خفت من ردة فعل اخوي ولاابي ادخل معه في نقاش وسين وجيم كل شي عنده لا ومايحتاج وماله داعي معهد حاسب لا ودخلته الحمد لله وظيفه في مدارس اهليه لا وظيفه في منطقه غير منطقتنا لا رغم انه ساكن في الرياض يعني واحد غيره قال بالعكس وراح بنفسه ودور عنده نظام البنت تكرف في البيت لين يجي نصيبها يتدخل بشكل يضايقني حتى لو كلامه صح اسلوبه مايخليني أتقبل صرت اتعب من اتفه سبب