أعرفي لماذا طفلك عنيد في الأكل قد تكون هناك أسباب أخرى تمنعه من الأكل

السلام عليكم ورحمة الله و بركاته

--------------------------------------

آسفه ما في أزين لأنه الموضوع طويل بس مهم لأطفالكم الحلوين مجربه من عدة أمهات نقلتها لكم منهن


إذا كان طفلك عنيد ومو راضي ياكل أبدا

أعمليلوا معكرونه الأطفال يمتوا فيها ماشاءالله

أولا لأنه مافيها بهارات كثيرة

وبعدين جيبيها و أسلقيها

سلق عادي المعروف

وجيبي خضروات كالبصل و الثوم و البطاطس و الطماطم و الكوسى وجزر وبعدين قطعيهم و شيلي كل القشر حتى الطماطم لأنهم أطفال و حتى يسهل الهضم في المعده

أسلقي الخضار و المعكرونه

بعد ماتستوي الخضار أخلطيها في الخلاط جيدا يمكن هو دا السبب إنه ما ياكل فأخلطيها أحسن

و بعدين ضعيها مع المكرونه و أطبخيها إلين ما تشربها المكرونه

وضعي دي البهارات طبعا قليل جدا من طرف الملعقة بس لأن الطفال ما يحبه البهارات ودا السبب التاني

إلي مايخلي ياكل

و البهارات هيه : شويه ماجي وشوية ملح و شوية كمون و الكمون لازم عشان البطاطس ما تعمل إحم إحم هههههه

وشويه فلفل أسود وشوية زيت و الزيت مهم حتى ما يعمله إمساك يلين الأكل ومريح على معدته

و خليه تنطبخ إلين ما تشرب المكرونه الخضار حتى مايبان طعمه

وبس مبروك عليكم الطبق و المهم من دا عشان كمان زياده مايبان طعمه

ضعي معاه في صحنه مع المكرونه شويه لبن زبادي

و أخلطيهم و أكليه بالعافيه

وممكن لما يسير سنتين أو لما يقدر ياكل الدجاج و اللحمه حطيها معها بس سلق عادي وشوية ماجي عشان مايبان طعمه وبعد ماتبرد اللحمه أو الدجاجه

قطعها قطع صغيرة جدا جدا جدا قد ما تقدري و ضعيه مع المكرونه الخضار لأنه إذا عملنا كده بدي الطريقه أهم شي بتجي فيه فايدة العناصر حتى إذا حاولنا ما بيناها

طبعا دا يبدأ من يوم ياكل إلين ما يكبر حتى سن سنتين ياكله و كل مايكبر خليكي على نفس الأسلوب

وغيري فيه شويه

يعني مثلا تكون معاه مسلوقة دجاج أو اللحمه
مثلا بس أهم شي مع الطفل العنيد إنه مايبان طعمه


عشان يقدر ياكل ويمكن إنه مو عنيد بس ما يحب البهارات و ما يحب الأكل يبان لازم ينخلط مع المعكرونه الرز و هكذا

وكمان نسيت أقولكم شغله إذا لسه بتعودي ياكل سيريلاك في الصبح بطلي يمكن بتشبعه لانه ثقيل عودي يفطر
سندويتش توست أبيض بذات عشان مافيه طعم مع جبنه وخليه يشرب يا عصير يا شاهي مع الحليب و الله لأنه الشاهي مطهر بس مو كثير زينا شويه بس وكتيري الحليب و حليه شوبه بالسكر عشان يقدر يبلع و مطهر في نس الوقت

وكمان جوعيه خليه يلعب كتير إلين ما تحسيه بدأ يبكي أو يعمل حركات كتيرة من هنا حياكل

بس طبعا مو مرة تجوعيه أول ماتشوفيه يسوي حركات أكليه حياكل إن شاءالله

و الله يعينكم يارب ويعين كل الأمهات يارب