أفكار يديده لديكور العرس... اللي بتساعدني الله يجزيها الجنه

شوفي الغالية....أي فكرة بتسوينها أكيد حد مسونها قبلج قولي معاي

1-الستايل الهندي
2- الفرعوني
3- الحديقة
4-الفراشات
5-البحر
6- التراثي

لا تفكرين في كلام بنات المنتدى.......لأن البنات من بلدان مختلفة, لو تقولين لوحدة في بوظبي بسوي دفتر للمعازيم يوقعون فيه صديقاتي بتقولج حلو :27:

لو قلتي هالكلام لبنت من السعودية أو البحرين بتقولج: شو الجديد؟؟هاذي حركة قديمة عندنا

انتي قارني الأفكار اللي تشوفينها في المنتدى أو عالنت عموماً بمحيطج, شوفي حد سوا نفس الحركة مؤخراً في الصيف؟؟

أما اذا تبين فكرة يديدة بقراطيسها ممكن تروحين مكتب خدمات أفراح بس هذا طبعاً بيكلفج أكثر.

أنا وايد متحمسة لفكرة الفراشات وعجبوني صور الورد والكيك والزينة اللي حطوها البنات في موضوعج....صدقيني لو كان عرسي عقب شهرين ما كنت بتردد لأن بعدها موضة الفراشات, بس انا عرسي السنة الياية.

توكلي على الله وسوي اللي انتي مقتنعه فيه :27:

وألف مبرووك مقدماً :icon28: :icon28: :icon28:

حبيبتي طوق البنفسج

كلامج يريح فدييييييييييت روحج

بس الغاليه ليش اسوي شي كل حد يقول عنه جديم
يقولولي فكره جديمه بس ترومين تطورينها :(
وهالكلام مول مايشجع :icon33:

والله ماعرف الغاليه شو بسوي
قبل كنت مرتبه كل شي على اساس هالفكره
احينه ماعندي افكاره موليه حق عرسي :icon33:

الله كريم

شوفي الغالية....بطرش لج عالخاص مواقع ديكورات وأفكار عرايس...نقي اللي يعجبج وتوكلي على الله وسويه ولو كنتي محتارة اسالي صديقاتج اللي حواليج

لا تسألين أي حد في المنتدى, لأن أي فكرة أكيد مارة بشكل أو بآخر على وحدة من البنات

ويا ويلج لو حصلتج منزلة موضوع وتسألين البنات عن شي أنا مطرشتنه لج :30:

هههههههههههههههههههههه
والله إنج ضحكتيني موووت :icon31:

فديت روحج والله
لا فديتج مابسأل حد
إنتي كفيتي ووفيتي :2thmup:

اخاف تضربيني عقب :22:

مشكوره وماتقصرين :26: