أقولكم قصتي

السلام عليكم ورحمه الله وبركاته

كيفكم ياحلوين وش أخباركم والله أني فرحت يوم فعلتوني مشكلتي نفس مشكلة كثير من الحريم زوجي تزوج علي أنا لي 11 سنه متزوجه وعندي 6 بنات ول د يوم تزوجت زوجي كان عمره 22 سنه مراهق والله أني تعذبت معاه كان يغازل ويجيب البنات لبيتي ويتصور معاهم ورسايل وكنت ألقى الصور ورسايل وأشوف ولما أكلمه يقولي تبين حياكي الله ماتبين مع السلامه بما أني حملت على طول كنت أسكت لااني كنت عايشه عند زوجه أب ماكنت أبي عيالي يعيشون عند زوجه أب وصبرت لاوبعد كان يحب بنت عمه ورفضت امها تزوجه كانت عايشه معاي كان دايما يتكلم عنها بلهفه وشوق وبعد كانت عنده بنت خال تحبه جننتني عليه لما تزوجت من غير النور والسفريات وأشياء كثيرة لو أبي أتكلم عنها ماتكفيها صفحات بعد زواجي تقريبا ب6 سنوات جانا نقل للمدينه وكان أيامها أبوه تعبان طلب نقل للمكان الي حنا فيه وكان يروح للمدينه ويجي لما جاه النقل وباالفتره هاذي أخذ عمره وكان يصلي بالمسجد النبوي ويسمع خطب وندوات والحمدالله تغير وصار قلبه علينا وصار يتقرب مني بقلبه وروحه كنت أول ساكنه لحالي وبعدين توفت امه وسكنت مع أهله وقسم أبوه البيت صرت أنا فوق وعندي أخته بغرفه أمه وقبل سنتين خطب بنت عمه ورفضته كانت تبي ةشاب أحسن منه طبعا أنا لما عرفت أنجنيت وتهاوشت معاه وقالي هو السبب ونفذلته كل رغباته وعشنا أيام حلوه معاه ومع عيلي نسافر ونطلع ونسى موضوع خطبته بنت عمه نهائيا وبعد سنه را ح دوره للمدينه والله اني كنت أكلمه بالساعات وكان يعبري عن حبه وعسقه لي لدرجه أنه صورني فديو كل يوم يشوف الفلم

بيت عمه ضلت سالفه الخطبه بالهم يوم كان بالمدينه انخطبت من واحد شاب وهي مريضه بالسكر راح أخوها وكلمه وقله البنت لك ويوم عرفت أنا كلمتها هي وامها وقالو حنا أصلا مانبيه وأنا مافيني عيب علشان أطيح على مره وانتهى الموضوع على كذا والحمدالله رجعت استقرت حياتنا بس أنا كنت حاسه انها مراح تمشي حياتنا خصوصا أن الرجال أدخلوبها وبشهر 12 العام الى رجع موال العرس انتي زوجتي وحبيبتي بس أبي أتزوج والله الخطبه بنص ساعه كانت والملكه بدون تحليل جابو أوراق علي أنهم حللو وملك زوجي كانت برساله منها مع مساعده أخوها بس زوجي ماهو مرتا حتى انه ماسوا حفله ولا جاب لها شبكه ولالبسها بالعكس جاب الشبكه لي أنا ويراعي مشاعري لاأبعد الحدود وطاير فيني أمري تدللي ومهملها لايكلمها ولا يشوفها والرسايل الحلوه بالجوال


ودايما يقولي أحبك أكثر من أي شي بالدنيا هاذي أنتي وعيالك أهم شي عندي ويعاملني كائنه ماراح يتزوج انا وهو وبس

وما أنكر أني أحبه بجنون ولاأبي أخسره بس الغيره ذابحتني حسبي الله عليهم دمرو حياتي

وماقلتلكم انها كانت هي وأمها يجون عندي بيتي وكنت أستقبلهم أحسن أستقبال حسبي الله عليهم أعجبتهم حياتي ولفو على زوجي وأخذوه

وماقلتلكم ان زوجي بعد مانقل خللي البيت جنه عتقه وفرشه من أحلى الااثاث وصار كريم علي أنا وبناتي من لبس وعطور علشان كذا حطو عينهم عليه بحجه مرضها أنها ماتقدر تجيب عيال أقسم بالله أنها ماتت هي وأمها لو مأخذوه


وماأنكر أنها حلوه وراعية مكياج وعطور وكريمات ولاعابه وبصراحه خايفه انها تاخذه مني أنا وبناتي


أمانه معاكم أبغا نصايحكم وتجاربكم وش أسوي علشان ماأخسره

يارب يامجيب الدعوات حنن قلبه علي وبرد قلبي


دعواتكم يابنات حوا