أكبر كذبة سمعتيها في حياتك

السلام عليكم و رحمة الله وبركاته ....

حابة يكون هالموضوع خفيف للضحك و التسلية..
كلنا بيمر علينا بحياتنا ناس كذابين و في منهم عيار الكذب عنده عالي و جرعة التشليخ مرتفعة .. وفي منهم نسبة النصب بالدم أكتر من الطبيعي ما بيقدروا يمرقوا يوم من غير ما يكذبوا على أي حد .. غالبا من غير سبب...

ببدا أحكيلكم كذبة من أكبر الكذبات اللي سمعتها بحياتي من أحد اقارب زوجي ... :)

بيقول انه مرة كان رايح عالغور (منطقة زراعية منخفضة جدا بالأردن) و أثناء الطريق (اللي كله نزول أصلا) خلص الديزل من البيك أب (الوانيت) و طبعا الطريق مقطوعة و مو قادر الأخ يمشي ... و تطلع حواليه ما لقي ولا محطة بنزين قريبة و شاف راعي معه غنم، فقال له المشكلة و هداك حكاله ما عندي شي اساعدك فيه الا هالحليب (حليب الغنم) .. قال بسيطة بنجرب
و حط هالحليب بالخزان و مشيت الأامور و نزل عالغور. و لما رجع، كان في وراه سيارة طول الطريق عم تزمر له ، بالأخير طفش الأخ ووقف و قال له مالك عم تزمر لي من ساعة..؟ حكاله يا زلمة هلكتنا باقراص الجبنة اللي طايرة من الأكزوزت (عادم السيارة) >>> يعني الحليب اللي بالخزان تحول لجبنة بقدرة قادر وصار يتطاير على الطريق...

المشكلة انه مصر على كلامه و بيروي الرواية كانها حقيقة و اللي قدامه كانهم هبل ما بيفهموا ... و بيحلف :( هاي المشكلة ...

مين فيكم سمعت كذبة بهالكبر ؟؟