أكتئاب الحمل بيذبحني؟؟؟

:(بعد معناه ..قلت مالي بعد الله غيركم ..
أنا حامل بطفلي الثالث وعندي قبل بنتين (الله يحفظهم ويحفظ غواليكم )
وأنا الحين بالشهر الخامس وكالعادة في كل حمل أعاني الأمرين من ضيقة الصدر وألم
ورجفه في كل جسمي ... ودقات قلبي تكون سريعة ودايماً أحس مخنوقة وأخاف أذا أسمع عن أحد
مريض أو ميت ؟؟

ما أكذب عليكم قبل لا أحمل أفكر ألف مرة بالموضوع وأذ أسمع أو أشوف وحدة حامل تكسر خاطري
وأحسها أنها مسكينة واستغرب وأتعجب كيف أمهاتنا قدروا ينجبوا 8 و9 ماشاء الله
وأنا هذا الثالث ومو صابرة أحس خلاص صبري نفذ ((أستغفر الله العظيم))
ودايما اواضب على القرآن والأذكار بس شقول غير الحمد لله ..
أللي كاسر خاطري في الموضوع زوجي وبناتي وخواتي الكل متعبته وياي...

في الحملين الي قبل أروح لطبيبة تكشف علي وتقولي مافيني شي وبس تحط علي محلول المغذي
وأنا أدري أنها بس تبي تسكتني ..
لكن من كثر ما أدور حل لمشكلتي عرفت أن ألي معاي هو أكتئاب حمل ... وكلمت الدكتورة في حملي هذا وقلت لها معي أكتئاب حمل قالت أحنا ما عندنا دكتور أعصاب بس حولتني لدكتورة باطنية وقالت ما معاكي شئ؟؟ وأنا أدري أني ماراح أستفيد بس الحيران يسوي أي شئ ..

المهم أنا ما أدري وين أروح وأي دكتور يقدر يساعدني؟؟ أنا بالدمام
وأنا خايفة من تجربة أني أروح لدكتور نفسي أخاف أندم لأني يمكن ما أستفيد ..
أتمنى من الأخوات أللي مرت بنفس التجربة أنها ما تبخل علي بتجربتها والله يجزيها عني كل خير..