ألـــــف الصــــلاة والســـــلام عليـــــك يا حبيـــب الله محمــــد


مبروووووووووووووووكين .. <<< تو النــــــــــاس لوووول << ما احد انتبه





يالله الضيافة اليوم علي حياااااااكم










عسى الله يجعله بيت عـــامر .. قصدي موضـــوع عامـــر بالإيمان والأفراح والفـــوايد ..


واسمحووولي .. أولا تراني بزنس .. ما أفضى أدخل ..يوم أكون فاضيه بتشوفون خشتي << حلوه خشتي صح؟؟ .. ولو اني ما أعرف معناها هي وجه والا كشه والا شو بالضبط << احلفي >> صدق ما اعرف << شكلهم بيتضاربون هالثنتين



وثانيــا .. عندي اثنين الله يحفظهم .. بنت عمرها 4 سنوات وولد عمره سنة وشهرين .. أول ما يشوفوني قعدت ع الكمبيوتر ينطون ويقعدون فحضني .. وتعالوا شوفوا الحفلة .. كلن يطبع .. الكيبورد مسكين يشكي ويبكي من هالحال .. 6 أيادي تطخطخ فوقه .. حاله ميأوس منها .. فأنا أقول يا بنت ريحي راسج ولا تيلسين إلا يوم بيرقدون << قلبنا هع << وما شاء الله عليهم ما يرقدون إلا بالعافية .. الله يحفظهم ويعافيهم ..

الله يعين

وسامحوووووووني ع القصــــــــور

دلع يالغلا
التنظيف الحمدلله الأسبوع هذا متحمسه :)

قبل شوي خلصت ثياب وشماغ زوجي

وبنتي وديتها الدكتور وصرفلها أدويه بس مانفعها و بكره إن شاء الله بأوديها لدكتور ثاني

يالله بعطيكـــم برنامجي اللي اليوم إن شاء الله أوفق فيه وأنجزه ..

أولا طبعا .. الإلتزام بالبرنامج الديني ..
ألا وهو : المحافظة على الصلاة في وقتها مع سننها وأذكارها .. ، أذكار الصباح والمساء ، صلاة الضحى والشفع والوتر .. مراجعة النصف الثاني من الجزء الأول لسورة البقرة

ثانيا : بحاول إني أسوي شي للعناية بالجسم << صار لها شهر تقول بتسوي زيت في شعرها هي وبنتها وما سوت >> لا ان شاء الله بسوي اليوم ..


ثالثــا : بسوي جرد لكبت وأدراج غرفة نومي .. أمس كان الجرد لغرفة بنتي وخلصناها ..

رابعــا : عندي 6 أكياس مليانه أوراق زوجي .. صار لي شهر ونص اقوله شوف شو اللي تريده واللي ما تريده ولا حياة لمن تنادي .. شكلي اليوم بتفلسف وبرتبهم أنا واللي يصير يصير ..

خامسـا : براجع لبنتي الحروف الأبجدية والأرقام << الأرقام حافظه نصهم وتخربط في النص الثاني

سادسا : بسوي الغدا برياني دجاج .. وناويه أسوي سويت << يمكن بسكوت بالدريم ويب ما قررت بعدني .. والعشا يمكن فول << فراحنه أمس اشترت فول أول مره تشتري .. أو فطاير ..

سابعا : إن شاء الله بسوي جرد لغرفة ولدي .. حاطه الكتب في غرفته إن شاء الله بوزع الكتب مكانهم .. .. وبعد حاطة شنطي وشنط الملابس اللي أشيلها بيت أهلي في غرفته << طبعا الشنط فيها أغراض ما فضيتهم .. فاليوم بإذن الله بارتبهم وبوزع الملابس والأغراض اللي فيهم في أماكنها ..

ثامنا : بحط الملابس في الغساله << ما أخلي الشغاله تفتح الغساله لأنها أوتوماتيك أخاف تخربها .. تقول علميني علميني .. بس ما رضيت .. حتى أفتحها لمن تكون هي برا الغرفة عشان ما تعرف كيف الطريقه خخخخ

تاسعـا : عندي أوراق أريد اطبعها ع الكمبيوتر .. وموضوع ع الكمبيوتر أريد أكتبه في دفتر ..

هذا اللي ناويه عليه اليوم

الحين بروح بحط في راسي زيت .. وبحط في وجهي الكريم << كتبتلي اياه الدكتوره لأنها طالعتلي بثور صغيره .. استخدمته أول يوم بس .. إن شاء الله ألتزم فيه من اليوم ..
..

وبعدين بروح بجهز الفطور .. وبعدين بقوم بنتي .. بفرش أسنانها وبغسل وجهها وبحط في راسها زيت هي الثانيه وبفطرها<< يا فرحتها بسويلها زيت تحب هذي الأشياء ، تحس نفسها كبيره يعني لووول .. وبعدين بسبح ولدي

ومن ثم بجهز الغدا والسويت ..ويتخلل ذلك البرنامج الديني ..


عسى الله يعين ويوفق ..

والسموحه ع الإطاله .. بس حبيت أفرحكم إني متفاعله معاكم بس من وراء الكواليس ..

يالله .. أشوفكم على خير

ملاحظــــه : يوم بتشتغلون .. في التنظيف والترتيب .. استغلوا الوقت .. أذكروا الله << ومن ذكره في نفسه ذكره في نفسه .. أو اسمعولكم شريط محاضره .. افتحيه بصوت عالي وانتي تنظفين .. .. سواء كانت المحاضره دينيه أو في تربية الأبناء أو في الحياه الزوجيه .. المهم اضربوا عصفورين بحجر .. عمروا دنياكم وآخرتكم

وأستودعكم الله الذي لا تضيع ودائعه

ماشاء الله لاقوة إلا بالله أمل

الله يعطيك العافيه يالغلا

جزاكِ الله خير ع التذكير

:)

العسجد
روز
شوكلاته بالبندق
اشكركم على الرد علي كنت اتوقع انه ماراح يكون لي مكان بينكم ومن اليوم بكتبلكم يومياتي مع اني من يوم ولدت احس اني صرت كسلانه مالي خلق للشغل لكن بعد انضمامي لكم راح اتغير