أكلمها أبارك ؟!! أريد آراء الحكيمات

السلام عليكم

وحده من قريباتي اخوها خطب كم مره وماتمت خطوبته عملت حركه يوم جيت ازورهم مع امي
كنت لوحدي في الغرفه مع امها بعد ماتقهوينا قالت لامها بمعنى الكلام انو جمعت من باقي القهوه والنوى حق التمر
وقعدت تطالعني ، شاكين ان انا نفسي بولدهم او شي مع اني ولا ملاء عيني ولا 1٪
المهم طنشت والموقف مر وعديته وسويت عمليه وكلمتني تتحمد بالسلامه
تزوجت هي وفي يوم زواجها جيت اسلم عليها قالت لي : فلانة ماابي يخرب الميك اب يعني ماتبي ابوسها
قالتها بطريقه خاليه من المودة وماقالت لاحد من قريباتي الكلمه الي قالتها لي
يعني لو كانت قالت لي بابتسامه شكرا حبيبتي او اي كلمه حلوه تقدر فيها سلامي عليها وبعدين قالت ماعليش خايفه الميك اب يخرب عادي عديتها لكن من بين كل الي سلمو عليها انا الي حخرب الميك اب ؟!!
بنت اختي قالت لي تراها غيرانه منك لأن شكلك في الزواج كان حلو
طنشت لكن هذا الموقف حز في نفسي جدا
بعدين سويت عمليه ولا كلمتني تتحمد بالسلامه
صارت تطلب من اختي تعزمها في بيتها لان اختي بيتها قصر فخم واختي سوت عزومه عاديه في استراحه وطلبت امها من اختي وامي انهم يعزمون اهل زوجها وكأن العزومه لها يبغون يتفشخرون عند اهل زوجها ووافقت امي واختي لان الناس البعض
في العزومه وحده من قريباتي تسأل قريبتي هذي عن ملابس اهدتها لها لكن هي اعطتني ظهرها وكأنها ماتبي تتكلم مااعرف نيتها وقتها لكن بناء على تصرفاتها السابقه يمكن بعد خايفه من عيني الله اعلم

انا صرت اتعامل معها بطناش وللعلم انا مااشوفها كثير ابدا

تفاجأت انها ولدت وبنتها عمرها شهر لسا عرفت انها ولدت

احترت هل تتوقعون ابين بالعيبة اني ماكلمت ابارك انا ماكنت عارفه انها ولدت؟
وخايفه لو كلمت بعد تحرجني مثل مااحرجتني يوم زواجها؟ واحيانا اقول لا مو واجب اكلم هي ماكلمتني يوم اترقدت
صديقتي تقول كلمي علشان مايقولون غيرانه وانا مايهمني ايش يقولون بصراحه
انا ابغى اعرف الي علي وبس مااعرف ايش اتوقع