أمنياتك في زوجك...مالذي تحقق منها...ومالذي لم يتحقق؟

مرحبا ياحوائيات...هذا اول موضوع لي واتمنى اشوف تجاوبكم...
كل وحده منا كانت لها امنيات في زوجها الحالي او المستقبلي...
ماهي تلك الأمنيات؟
ومالذي تحقق منها؟
ومالذي لم يتحقق؟
الأمنيه التي لم تتحقق هل مازلتي تطمحين لتحقيقها بإذن الله؟؟
راح ابدا بنفسي..
انا كنت اتمنى ان زوجي يكون دين وخلوق وهذا اهم شي طبعا ...وكنت اتمنى انه يكون جامعي وعنده وظيفه محترمه وكنت اتمنى ان زوجي يلبس نظاره ههههههه ماادري ليش بس احب ذا الشي...وعندي بعد امنيه مبالغ فيها شوي...وهو انه يحضر دراسات عليا...هههههههههههه من زود الشطاره اللي فيني هههههه
وكنت اتمنى ان زوجي يكون لونه أبيض ويكون ناطحة سحاب من زيادة الطول....ووسيم مررررررررره
طبعا الحمد لله على كل شي...
زوجي مثل مابقيت...خلوق ودين وجامعي وخلص الماجستير وباقي الدكتوراه ان شاء الله وأزيدكم بعد طلع يلبس نظاره حتى انه احين يبغي يسوي ليزك وانا مب راضيه اقوله طول عمري احلم بواحد يلبس نظاره تجي احين وتشيلها هههههههههه
بس الشي اللي ما تحقق زوجي لونه اسمر...
وطوله عادي مو طويل ولا قصير...ووسامته معتدله ...بس بعد عاجبني..
اما الشي اللي ما طرى على بالي ولا فكرت فيه ابد...ولقيته فيه طيبته و هدؤه واحمد ربي لاني عصبيه.. بس تدرون ايش اتمنى احين...اتمنى يخلص زوجي دراسه لاني ابتلشت فيه:( :( .يالله ابغى تفاعلكم مو تفشلوني...ولكم تحياتي