أمهـــــــات البنـــــــات (اللي تبي شعر بناتهــاا يكون حرير .. ولمعه .. وماهو متقصف)

بسم الله الرحمن الرحمن

حبيباتي وخـواتي بنـــــــات حــــواء
بصراحه انا كنت ودي اكتب هالموضوع من زمان
بس قلت البنات مو مقصرين في نصايحهم وتجاربهم للشعر ....
بس تجربتي غـــــــــير <<< ليش غير :3_2_21v:
أنـــا عندي بنـــــاتي الله يحفظهم شعرهم ماهو ناعم ولاخشن ووحده منهم ناشف
مره يعني ماهو الشعر اللى اتمناه البناتــــــــي
وكنت شايله هم شعرهم حيل :(
المــــــــهم قررت اني اهتم بشعرهم وطبعا هذا كان من
7 سنوات <<<<< بنتي البكر وكانت تجربتي فيها ومن بعدها طبقته مع خواتها
وبصراحه الكل يسئلني عن شعر بناتي وايش مسويه فيه .....
أدري طولت عليكم بس ابقولكم شنو طريقتي مع شعرهم ..
اول مايوصل عمر البنت 3 سنوات اقصه قصير واذا هو قصير اقص اطرافه
وبعدها ابتدي ببرنامجي <<<< خلصيناااا :09:
برنامجي بكتبه لكم على نقاط واللي تبي اي استفسار أنا جاهزه والله المستعان ..

1 - الحنــــــاء :
الحناء احسن علاج للشعر طبعا بتسئلوني شلون.. اقولكم تخلطين الحناء بالمويا وماتضفين شئ معاه وطبعا لازم حناء ممتاز ومايكون الحناء اللى مخلوط باشياء ثانيه والا مضاف له شئ لا لا انتبهوو .. يكون حناء خالص وطبيعي تخلطينه بالليل ويوم ثاني تستخدمينه عادي واللي يبقى منه تقدرين تحتفظين به في الثلاجه حق المره الجايه بس اذا بتحطينه علي الشعر لازم يكون دافي مو بارد..

2- زيت بارشوت الازرق اللى قبل السباحه :
طبعا تدهني الشعر به قبل تحطين الحناء وبعدها على طول تحطين الحناء طبعا تقدرين تستخدمين اي زيت غير البارشوت مثل زيت ( السمسم - حبة البركه)

3- طبعا بعد ماتحطين الحناء تغطين الشعر بكيس بلاستك لمدة 3-4 ساعات

4 - تغسلين الشعر عادي بالشامبو وبعدها تحطين فاشكول بالثوم من فوق الفوق
مو علي الجذور لا ..

5 - زيت اللوز الحلو << الغرشه الصغيره اللي لون الغطاء احمر ومرسوم عليها قلب ابيض :
بعد ماتروشين بنتك وجففتي شعرها بالفوطه دهني قليل شعرها بزيت اللوز ومشطيه وطبعا ربطيه لاتخلينه منثور عشان يتمدد وتركيه ... صدقينى راح تشوفين كيف الفرق والتحسن بصير بالشعر ..

طبعا انا استخدم زيت اللوز باستمرار لانه خفيف على شعر البنوتات ولازم اذا بسرح شعرهم ارطب شعرهم بمويا وبعدين ادهنه بالزيت شويه .
والحناء استخدمه مرتين بالسبوع <<< الحين عطله يعني لاتبخلو على بناتكم ..

ونصيــــحه اذا تكاسلتي بيوم تحطين لها حناء قبل السباحه غرقي شعرها بزيت حبة البركه او زيت السمسم وخليها ساعتين وبعدين روشيها ..

بالنسبه للشامبو لاتستخدمي شامبو الاطفال ترى ينشف الشعر حيل وانا استخدم شامبو بانتين للشعر الجاف .. :28:
وشنو بعد شنو <<<< وحده ماصدقت تكتب موضوع :23:

وانشاء الله اكون وصلت لكم الطريقه وتجربونها في بناتكم وتفرحون فيهم
وتشوفونهم عرايس :icon28:

والله يجزاها خير اللى تقراء الموضوع وتدعيلي انا وبناتي بالخير والبركه
وربي يحفظهم ويخليهم لي ...