أمور تحصل معي لا أجد لها تفسير !"

بدايةً السلام عليكم ورحمة الله وبركاته .. 
اخواتي .. أنا أحيانا تحصل معي أمور مالها معنى أو تفسير يعني أتخيل أمور وفعلا تحدث تضجرت من هالشيء لدرجة صرت ألوم نفسي عليها .. أول مالاحظت حدوثها قبل 7 سنوات أتخيلت صاحبتي تجيب جهازها للمدرسة والمديره تعرف وتحصل مشكله و...و... وفعلا حصل وبنفس ألجهاز  اللي تخيلته .. ما أنتبهت كثير هنا بس بتكرار ألأمور لاحظت .. أمر أخر تخيلت بنت خالتي تنخطب ونفرح فيها وفعلا والله أليوم ألثاني خبروني بملكتها < أتزوجت وربنا كتب لها بس بعد فتره أتخيلتها تتطلق وبالفعل حصل .. أمر ثالث جارنا كبير بالعمر تخيلته يتوفى والله بعد وقت قصير من تخيلي له توفى :/ بكيت والله وكثير صرت ألوم نفسي م أدري وش بالضبط 

طبعا كلها أقدار وحكم من ربنا بس فعلا أستغرب.. < أمور صغيره تحدث ك مثلا أتخيل بنت بشكل معين فعلا أليوم أثاني بنفس ألشكل < أقصد أللبس نفسه أللي تخيلتها فيه كلمت صاحبتي بالموضوع. قالت لي لا تهتمين و تجاهلي وكذا أتجاهل بس أرجع أتذكر وأفكر فكرت أكلم صاحبتي الثانيه بس خفت تنفر مني والله :/ 
^ أعتذر على ألاطاله :) وياليت تفيدوني برأيكم