أم زوجي

السلام عليكم ورحمة الله وبركاته
بنات ام زوجي طيييبه وتحبني وانسانه رائعه ولا قد سوت بيننا مشاكل حالها حال نفسها
لكن
كل مارحت لهم لازم تفتح لي موضوع بزراين وزمان
انا الحمد لله عندي ولدين
واحد عمره سنه و9 شهور
والثاني 6 شهور
ومسقطة قبل فتره
وكل مارحت لهم وماتفتح الموضوع الا وزوجي جالس
هاه ماحملتي وش ماحملتي توني مسقطة وولدي عمره سته شهور لو اني ماكينت بيض
وكل مره اقول لها انا مابغى احمل اولادي صغار وانا باقي صغيره يعني ان شاء الله ربي يطول بأعمارنا وتشوفينهم عرسان ولاكبرو وصارو يدرسون بجيب لكم
وتبدأ تحكيني ايام زمان انها حامل بعد الاربعين وواحد عمره سنه وواحد عمره شهور وتروح تشتغل وتجيب حطب وتعبي مويه
واجاوبها كل مره نفس الاجابه
هذا زمان واحنا الحين
واليوم رحت لهم وبس يجلس زوجي تفتح نفس الموضوع وقلت لها عمة انا توني صغيره واكمل دراسي خليني ارتاح من ذولا اول جسمي مايتحمل وبظلم اولادي كذا
قامت تقول لزوجي ششكل زوجتك هي الامره الناهيه في البيت !
الحين وش دخل الخلفه في الامره الناهيه
ووشدخلهم بحاتي انا وزوجي ومتى نخلف
انا طنشت وغيرت اخته السالفه ونسيت ورجعنا البيت وقام يفتح السالفه ويقول انتي ماتحترمين امي ولا تقدرينها هيه خايفه تموت وباقي ماشافت من ذريتي قلت له وذولا ان شاء الله ذريت مين !
ونقاش ماله اول ولا تالي
والحين يقولي ماعاد بجيب لك حبوب وانتي بكيفك دامك تعاندين في امي
😢اي عناد عشان اولادي صغار مابغى احمل انا اتعب ما اعرف الراحة وهو همة يرضي الوالدة وهي مريحه وتنام متى ماتبغى وتصحى متى ماتبغى
انا الحين كيف اتصرف !
مشورتكم لاني تعبت 😭