أنا اللي مات جنيني فالشهرالثالث وماكنت عارفه وش أسوي تعالوا شوفو واستفيدو

السلام عليكم

توقف نبض الجنين في الشهر الثالث وماكنت عارفه وش اسوي طبعا عرفت لما سويت التراساوند في اكثر من مستشفى واكدو لي الخبر

المهم كنت خايفه ومحتاره وش اسوي

دخلت وسالت واستخرت ومابقى شيء ماسويته

انتظرت اسبوعين ومانزل شيء وبعدين خفت من التسمم /

استخرت الله وعزمت اني ادخل المستشفى وانزله واسوي تنظيف طبعا كنت معزمه وماعاد خليت الخوف من الطلق الصناعي

لان الغثيان كان مستمر معي ومتعبني غير خوفي وحالتي النفسيه

دعيت بحرقه واستخرت الله سبحانه وتوكلت عليه

رحت مستشفى دله عند الدكتوره اماني منير مصريه / وارتحت لها ولكلامها فقالت لي خلاص وقعي عالتنويم وتعالينا فجر بعد بكره ان شاء الله

وكوني صايمه من ١٢ فالليل

وفعلا صليت الفجر ودعيت الله ورحت لمستشفى دله

دخلوني غرفتي وبعد ساعه عطوني تحاميل الطلق وبدا مفعولها بعد ٤ ساعات حسيت مثل الام الدوره بس اشد والآم مثل الطلق اسفل الظهر لكن بفضل الله وكرمه ورحمته كانت محتمله يعني اهون من طلوق الولاده

بداء معي النزيف وفرحت قلت الحمدلله جاء الفرج / لكن الطفل ماطلع جت الدكتوره اماني وخافت علي قالت خلاص بنخدرك ونسوي لك تنظيف مو كويس يستمر النزيف والجنين مانزل

اهم شيء ان الرحم انفتح لاننا مانقدر نخدرك وهو مقفل ولا بدون طلق

ودوني غرفة العمليات وعطوني تخدير والله يمكن ٣ ثواني وتخدررررت مره وغبت عن الوعي تمااااما ساعه كامله ولما صحيت من البنج لقيت كل شيء انتهى بفضل الله ورحمته وكرمه

ووروني البيبي وكان ولد الله يخلفه علي ويجعله شافعا لي يوم القيامه ويعوض كل مسلمه

المستشفى رائع رائع رائع بمعنى الكلمه من جميع النواحي لكن نصيحه لاتخلون اي دكتورع تجيكم جتني وحده سودانيه تشيك علي يوم كنت اطلق وكانت بتعطيني زيادة طلق وتعذبني بس الحمدلله الله سبحانه ارسل لي دكتوره اماني فالوقت المناسب وقالت لاااااا معها نزيف خطر عليها

بس عيب المستشفى الوحيد ان الممرضات كل شوي داخلين من ٦ ص مداومين عندك يعني ماتشبعين نوم


والحمد لله انتهى الغثيان والتعب النفسي والقلق والتفكير

لازال معي الالام خفيفه اسفل ظهري واكيد شيء طبيعي بعد التنظيف والتخدير

اي سؤال انا جاهزه وسلامتكم

اللهم اجعلني ممن قلت فيهم ( اقرب الناس الى الله اكثرهم للناس نفعا )