أنا مصدومه من اهلي ؟

أهلين بنات كيفكم أنا متضايقه وحبيت افضفض والي داخله تجرح أقولها ارتاحي ترا موناقصه السالفه ومافيها أمي كبرت وصارت ماتبي نجتمع عندها زياده على هذا تنقل حكي بيني وبين إخواني وبين إخواني وصاروا محد يكلم الثاني وانا صرت ازورها من باب البر أنا وبناتي وأشوفها تتوتر من البزران واذا جيت بالحالي قالت وش قصدك تفاجأت اخر مره انها قالت لي لعاد أشوفك جايه بيتي وانصدمت حسيت بالاهانه لان بيتي بعيد واجي ازورها مره في الاسبوع واطلب عشا لي ولها واخرتها قالت لعاد تجين بيتي وطول الوقت بس يابنات جالسه تصلح بيتها من جوه وبرا لدرجه رصيف الشارع غيرته وأنصهر أني عايشه وأمي وإخواني موجودين ولا أشوفهم ولايسالون عني احس أني استحي من رجلي يقول وش اهلها والمشكله أنااخواني ماعندهم اي استعداد يحطون استراحه لانهم اصلا ما احد فيهم يبي يشوف الثاني واحد منهم عايش برا المملكه هو وزوجته وعياله ولاهمه ولايبي يرجع مدري كيف استغربهم احس بالوحده اطلع وأروح واجي وأزور حمولتي واتمشى بس مو زي اهلك حتى لو اتصل عليهم ما يجون مدري وش اسوي