أنا مو عارفة من اي جنس الرجال زوجي

مساكم الله بالخير
انا ما اعرف اكتب مقدمات على طول بسدح لكم موضوعي..بداية انا مو صغيره بالعمر عمري 34 سنه وجالي الضغط وتصلب فالشرايين من قريب والحمدلله على كل شي عندي 3 بنات اكبرهم16..زوجي والله يا حريم ما عرفت له 😐🤗احل مشاكل الحريم عامه واقدر بعد توفيق الله ومشكلتي عجزت احلها..
كل تصرفاته غريبه بوقت الرضا لو اطلبه اي شيء يقدر عليه بيقول طيب بس مشكلته زعووووول زعووووول يبغاني اداري خاطره زي النونو واذا زعل اخذ ركن فالبيت وعلى جواله ومبوز ويقعد لو شهر مبوز ماتفرق معه ويزعل من اتفه شي علشان يمسك ركن ويزعل ومايعرف يقدر او يفكر ان فيه بنات واصغر بناتي عمرها 9سنوات وجدا حساسه واحسها تفهم كل شي انا حنونه على بناتي بشكل ماتتخيلونه ضرب ما اضرب ودلع ما ادلع والحمدلله ربي موفقهم الله يوفقهم اكثر واكثر...ولما اجي كالعاده اخذ بخاطره حتى لو هو مخطي يقعد يخبط بيده يمين وشمال ويشد ع يدي حتى يديني صارت متشوهه من مسكت اظافره ..مثلا هو يغار من عماني لانهم شباب يعني مره اتصلو قالو جايين وهم مو من نفس المنطقه استقبلتهم تعرفون ايش عمل زوجي والله هذيك الليله انضربت وشد شعري وما علمت احد بلعتها ومشيت فالدنيا تعرفون ليش لأن بناتي كسروا قلبي انا امحي كرامتي قدام بناتي الله يعطيني الصبر والقوة ولا اتركهم لأنني قبل سنتين تركتهم ورحت لبيت ابوي الله يرحمه وما اخذت معي الا الصغيره وبناتي كانو بينجنون وطلبت الطلاق قال طلاقك مقابل التنازل عن بناتك كلهم ورجعت له فالبدايه كويس بس الغيره والشك ذبحوني يغار لما اروح مدرسة بناتي ويسأل اسأله كأني ما كنت فالمدرسه معهم او كنت اقابل ومكالمات جوالي بالثواني يحسبها كلها اشياء متداخله هو زعول واوقات احسه حقير ونذل واحيانا ارحمه لانه يعذب نفسه ويعذبني معه..تدرون انا مشاعري تبلدت انا بس يهمني بناتي ..نفسي لو مره ياخذ بخاطري ..والله بسامحه ع طول بس يجي 😔
فالقلب اشياء صعب وصفها...مجرد فضفضه وسامحوني غثيتكم