أنا وصديقتي وزيارتها منزلي ..!!!!

السلام عليكم
بدخل بالموضوع علطول
مع اني ترددت كثير قبل ما اكتب
بس قلت ابيكم تساعدوني

الموضوع:

عندي صديقة طيبة حبوبة مخلصة خدوووومة لأقصى درجة..!!
لكن فيها طبع مررره يضايقني وهو انها فضولية
يعني مثلا اذا جت بيتي احسها كلللل شي تشرف عليها ..تدخل المطبخ وتفتح الدروج وتسأل عن هذا وعن هذا وهذا حلو وهذا من وين جبتية... تقولي لي وريني ملابسك ..وجيبو صورك اللي بالسفر اشوفها ..انا قلت هذي صديقتي وتمون علي وش فيها اذا اخذت راحتها في بيتي..!! مع اني ما استجيب لكل طلباتها ..
لكن فيها طبع انها كللل شي تسأل عنة الى اخواني وين يشتغلون تسال ..... ومرة قلت لها اسمعيني تراني انا ما احب كثر الاسئلة قلتها لها بشكل لبق ..قالت ماعلي منك انا احب أسال...حسيتها ما استوعبت الدرس!!!

وفية شي ثاني مررره يضاقني فيها و هو كثير تصارخ على بناتها قدامي ..يعني لما تجي لي والا اروح لها نجلس انا وياها ما تبي بناتها يجون ابدددد ..كل ما جت وحدة عندنا تصرخ عليها بصوت عالي واحيانا تدعي على بناتها بشكل والله العظيم انه منفر ..
اخر مرة رحت لها اقول في نفسي خلاص ما ابي اروح لها بالبيت ما صدقت اطلع من عندها ما احب كذا

والله يا بنات ما ادري اذا مشاعري هذي عادية والا مبالغ فيها ..صدقوني اقرب الناس لي ما شكيت لهم من مشكلتي هذي مع صديقتي هذي ..ما عندي الا الله ثم وانتم انا على ثقة انكم بتعطوني حلول ..او على الاقل تقولون لي رأيكم بالموضوع

لو اي وحدة فيكم مكاني كيف تتصرف..!!!

على الرغم اني احبها وما ابي اخسرها فهي طييييبة ..!!

انتظركم..!!