أنتم مثلنا؟!

لا وضعكم مو طبيعي اول ماينزل الراتب انزلوا لسوبر ماركت بنده كارفور العثيم وتقضي كل شي لثلاجه خضار وفواكه الطماط والخيار بكرتون والبطاط والبصل والثوم ذي بالاكياس الكبيره والباذنجان والكوسه والجزر والبقدونس بالكيلو اذا ماتاكلونه كثير وخيشة رز 10 كيلو وزيت قلي علبتين وسكر وشاي وقهوه وهيل وبهارات ومكرونه وصوصات ونواشف للفطور وخوذي الحلويات والشيبسات بعد واكياس الزباله والمنظفات والدجاج واللحم .. والخبز والزبادي واللبن والحليب جيبي يومي
وحفاظات وحليب النونو لا لازم كيسين كبيره و5 علب حليب كبيره بعد روحي لنهدي يعطونك نقاط ويخصمون هذا كل شهر اقضي كذااا واحيانا الخضار تخلص فا زوجي يروح ويجيب اما غيره لا كل شهر نجيب واحيانا مو كل الاغراض لان يكون فيه من الشهر اللي طاف .. بس طريقتكم غلط خاصه عندك اطفال لو يجوعون او يبي حليب او تغيرين له حرام . انتي اقنعيه كذا تسوون افضل بدل مو كل يوم رايح جااي وحتى انتي تحسين تتفشلين من طلباتك الزايده والله يبارك لكم

احنا نقضي كل اسبوع او كل اسبوعين
ما عدا الخبز واذا عيالي يبغون تسالي من البقاله
طريقتكم كذا غلط حتى ما راح تقدرون توفرون
ام دندنه كلامك روعه حتى انا استفدت منه 😚

مدري ان شاء الله الاخوات يفيدونك انا بالشهر اقضي مره بس للمطبخ اما الثلاجه كل اسبوع اخذ ولله يعينك جد.تعب كذا مع ان ياخذ بالكرتون ارخص له من كل يوم يقضي

في مقاضي تجبيها بالجمله كل شهر مثل المنظفات ولا مناديل والمعلبات وسكر والرز والشاي والقهوا وحليب الاطفال والحفايض وفي مقاضي اسبوعيه لا تخرب مثل الخضار وممكن الدجاج اذ انتم من النوع الي يجيب كم حبه ما يجيب كرتون والنواشف من جبن زيتون وطحينيه ومربى الي بالكيلو

انا نفسك .كل شويه طلب من البقاله بس مثل الاشياء الاساسيه ناخذها بالجمله سكر رزدقيق.....الخ بس لابد من البقاله يوميا .اما الحفاظات الاطفال لا هي ناخذ حجم عائلي حبتين تقعد على الاقل شهر حلو الي ياخذ اغراضه دفعه وحده اقتصاد يعتبر .اما الي كل يوم في البقاله رح يصرف اكثر يدخل للغرض ويطلع محمل بمليون غرض... اذا انتي متضايقه خلي اغراضكم كل اسبوع اشروها مره وحده .والشهر الي بعده كل شهر .بس انا الوضع عندي عاددي الحمدلله دام اغراضي تصلني وماناقصني شي ماتفرق معي .اول الشهر ولا يوميا