أنت رسامة ؟؟؟ تعالي هنا مشروع بسيط وبدون راس مال

هلا وغلا بكل الباحثات عن النجاح

عزيزاتي اول شيء ابقولكم ايش سبب الفكرة ...

طلبت بنتي الصغيرة دفتر تلوين الدفتر اللي يجي فيه رسومات غير ملونة وتقوم بتلوينها طبعا هذا معرووف للكل

رحت لمحل كل شيء .. وعلى قسم الرسم لقيت عندهم دفاتر رسومات بس بصراحة وضعها مزري جدا ..

كلها تسوق لثقافة غير ثقافتنا وبيئات غير بيئتنا ... كلها سوبر مان ولولوكاتي وميكي ماوس وغيره وكلها صور ذوات أرواح

تعزز عند الطفل ثقافة غير ثقافتنا .. لا وكلها على بعضها اربع صفحات من اسوأ انواع الورق ومعها ارخص علبة الوان وبخمسة ريال ؟؟؟

شوفي الاستغلال كيف ؟؟

قلت بخاطري وين بناتنا الموهوبات بالرسم ليش مايرسمون من ايحاءات ثقافتنا وبيئتنا وتعاليم ديننا ؟؟؟

والله مشروع بسيط جدا .. كل ماعليك ترسمين وتودينها للمطبعة يطبعونها ثم يسوقونها للنشر ؟؟
ويكون بينك وبين المطبعة اتفاق على نسبة الارباح ..

بكذا تستفيدين وتربحين اجر في الدنيا والاخرة .. واهم شيء تكون الرسومات بصور غير ذوات ارواح علشان تخرجين من الاثم ...

ياليت كل من تقرا الموضوع تسوي له رفع علشان يستفيدون بناتنا من الفكرة ..