أهلين أخواتي ....
التسريحات الرومانيه حلوة وتعطي منظر راائع للشعر خاصه إذا كان الشعر طويل وملون
وفي المناسبات والسهرات ظهرت هذة التسريحات على كثير من النساء والبنات بأشكال مختلفه
وتفننت فيها الكوافيرات .. وعادة ما تكون هذة التسريحات الرومانيه بشكل عشوائي وفي نفس الوقت مرتب
اليوم بإذن الله سيكون شرحنا لتسريحه رومانيه بسيطه وممكن إنت تسوينها وأنت في البيت من غير حاجه لكوافيرة
التسريحه سهله مررة بس يبي لها تركيز وإتقان وتسوينها بإذن الله ولا أحلى كوافيرة
ومع داعيه للخير أنت كوافيرة نفسك
نبدأ على بركه الله ..
نبدأ اولاً بلف الشعر بارول ( المكر ) حتى يعطي الشعر كثافه
بعدين نبدأ بتقسيم الشعر ونخرج الغرة ونلفها برول أو مكرة
ومن الجوانب الرأس نأخذ خصله صغيرة ونبرمها شوي ونرش عليها شوي إسبراي ونثبتها في النص مثل الصورة
نكرر العمليه من الجانب الثاني ..
نستمر لف الشعر بطريقه ناعمه وبرمه بترتيب ومن ثم تثبيته ببنس في المنتصف وبعدين نرش عليه إسبري زيادة في التثبيت
نحاول ما نشد الخصل ونخليها ممهله حتى تعطي الشعر كثافه وكل ما نزلنا خلينا التسريحه عريضه
بعد ما خلصنا من التسريحه نرتب الغرة ونرش إسبراي على كامل الشعر ونزينه بورود أو إكسسوار
وهذة التسريحه الرومانيه بعد ما خلصنا منها
إن شاء التسريحه أعجبتكم والشرح مفهوم
وإلى اللقاء في تسريحه جديدة
