أهلية جده شوكلاتة العيد الحلوه وسعرها معقول ويييييـــن؟؟؟

شوكولاين والنقلي والغامدي هما اللي جربتهم وطعمين وأسعارهم تبدأ من 80 أو 70 للكيلو

بس اعملي حركة حلوه عملتها أنا روحي للمحلات اللي عند حلقة الخضار في واحد عنده

شوكلاته حلوه ورخيصة نوعا ما تلاقي الكيلو ب 40 أو 30 ريال وطعمها حلو بصراحة شكلها

مدورة والحبة الوحدة كبيرة يعني تضمني طعم وحجم وتلاقيها محشية مو سادة بجد حاجة حلوة

وطعمها مرررررررة حلو تلاقيها ملفوفة أما بذهبي أو أحمر

والصغار تلاقي عنده نفس المحل حلويات بأشكال دباديب وفاكهة ملونة ولزيزة ويمكن تاخذي منه

في نفس المحل بالعلب حلويات بالعود على أشكال حيوانات مغطايه بالسكر وعنده زي البيضه فيها

لعبه صفيرات بأشكال حلوه للأطفال وكرتون حلاوة شكلها زي الهمبورجر وحلاوة طوبة وحركات

أشتريت من عنده قبل فترة حلاوة للأطفال بمية ريال كفتني مية طفل لأني أخذت من كل شكل كرتونين

أنت خذي كرتون وشكليها ووقتها الصغار ماراح يطلوا في الشوكولاته من الوان واشكال حلوياتهم

صدقيني حتنبسطي أن شاء الله كثير وحتوفري فلوس كمان وماراح تخصري الطعم الحلو ولا الشكل

ولا تعتقدي أن الشوكلاته ماشي حالها بالعكس أنا أشوفها أحلى من النقلي كمان أنت ذوقيها عنده

بس أنتبهي للوصف تجي مدورة وحبتها كبيرة شويه ملفوفة أما ذهبي أو أحمر وفي أزرق وعنده أشكال

ثانية ذوقي وأختاري اللي يعجبك لا تنسي المحل واحد من المحلات اللي عند حلقة الخضار بجدة

أذا ما عرفتي حاجة أسألي ثاني وأن شاء الله أوضح لك

بالتوفيق ومن العايدين مقدما