أول مرة

مراحب يالغاليين
طبعا يالغوالي اوول مرة راح اطلب من هالقسم خدمة واتمنى انكم ماتردوني ويعطيكم العافية
خواتي بإذن الله بعد كم شهر راح انقل لشقة تمليك وحبيت ااثثها وانظمها بذوقكم اذا تسمحون لي اول شي راح اقولكم كيف شكلها وبعدين الاشياء إلي ابغاكم تسووننا معاي:::
نبدا

الشقة مكونة
مدخل ممر صغير وعلى اليمين حمام الضيوف الله يعزكم طبعا صغير مو كبير على اليسار صالة مقاسها تقريبا 5 في 4 مو متأكدة الحمام الله يعزكم مقابلنه في الجدار باب حق البلكونه عرض الباب مترين في مترين
الصالة فيها نفس الفتحة تدخل على المجلس مفتوحين على بعض
والمجلس على قولتهم مو كبير يعني يمكن الطول اربعة متر والعرض مترين يعني مادري اذا اسكره او لا واحط باب
سؤوالي هين اي نوع استخدمه للمجلس والصالة بحيث اني اخلي المجلس يكون اوسع شوي لاني كنت بسويه غرفة طعام بس مشكلته بعيد عن المطبخ بواجد:44:،،،
وش نوع الاثاث إلي استخدمه بالمجلس جلسة ارضية او مودرن لان مابغي شي يخليه المكان ضيق وهل يحتاج اني اخلي تلفزيون فيه اذا سكرته،،،،

وش الالوان المقترحة فيه،،،،

خلصنا الصالة والمجلس

نجي للغرف الغرف علينا ان نحط ارضيات اي افضل الباركيه او السراميك الغرف عددهم 3 غرف
وحدة لي وحدة لبنيتي راح اخليها ووحدة لولدي،،،
الصبغ فكرت فيه اني اسوي اما 3 جدران سادة وجدار مخططاو مربعات اي شكل افضل،،،
وغرفتي اي شكل افضل وشنو افضل نوع لتفصيل غرف النوم يعني اخليها فلات إلي مع الارض او الرفيعة
يعني فيدوني لان مالي بهالسوالف،،،، ادري بتعبكم بس لاني واثقة من ذوقكم،،،،

وعندي غرفة رابعة بس مرة صغيرة يوقولو حق الشغالة بس اني مابغى اخلي غرفة ليها ،،،
فكرة اني احط فيها كبت علوي يكون واحط فيها الشراشف والفوط،، او اني اسويه غرفة لكي الملابس
ابغي رايكم بعد

ادري كثرت ،،،
نجي للمطبخ
المطبخ راح يكون مركبين الدواليب
وعندي مساحة 3 متر فاضية تقريبا

هل اسوي دولاب حق الثلاجة والمايكرويف نفس الدواليب ولا اخليهم عادي بدون
وهل احط جلسة ارضية للاكل بما انه فيه مجال واحنا عددنا بس اربعة اشخاص او احط طاولة طعام،،،

ادري اني تعبتكم وااااااااااااااااااااااااايد
المطلوب
الوان البوية والشكل
وباقي الطلبات

والله يرزقكم