بسم الله الرحمن الرحيم
0
مقاله قووووويه والله قوووويه جداً
اترككم معها ,
.
أحنا السعووديين ..,, للاســـف ..!!
حنا السعوديين أكثر شعب في العالم يمتلك بترول .وحنا اللي تبرعنا لأغلب دول العالم .
وحنا اللي إكتفينا من القمح وصدرناه للعالم .
وحنا اللي أخذنا كأس أسيا ثلاث مرات .ووصلنا لكاس العالم ثلاث مرات .
وحنا اللي هزمنا العراق في حرب الخليج . حنا السعوديين أول من طلع الفضاء من العرب .
وحنا أكثر شعب في المنطقة وحنا أكثر شعب عنده ستالايت .
وحنا اللي نمتلك قناه mbc وقناه art . وحنا أكثر من يتصل على القنوات الفضائية ونلعب مع المذيعات الحلوات ونمرح معاهم .
حنا اللي أرسلنا أكثر المجاهدين لأفغانستان والبوسنة والشيشان . وحنا اللي ما أحد يغار على الدين مثلنا ،
رغم إن أغلبنا ما يصلي كل الفروض !وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .
حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم .
وحنا من تفوق على غيرنا في كبر الكروش والكسل حنا من أكثر شعوب العالم إستهلاكا للدخان والشيشة .
وحنا اللي عندنا مدينة جدة رابع أكبر مدينة تلوث في العالم .
وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .
حنا أكثر من يطارد بنات العالم في الخارج . وحنا أكثر ناس في العالم ننفق على السياحة
وحنا اللي تبكي وتتحسف علينا بانكوك وبتايا من بعدها عنا .
حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا .
ومانرضى نشتغل في المطاعم والمطابخ والمخابز والمغاسل .
لأننا نشوفها أقل من مستوانا حنا اللي نحافظ على تقاليدنا حتى لو كانت غلط .
وحنا اللي مانشوف أحسن من قبايلنا ونشوف الأجانب أقل مننا إلا من رحم ربي .
حنا اللي نشوف البنت مخلوق ناقص ومالها رأي .
ماهي مسؤولة عن نفسها ، لكن مسؤولة عن أفعالها !!
ماتأكل في العزايم إلا من بقايا أكلنا!! محجوزة عندنا في البيت مثل الغنم !! ما تطلع إلا لزيارة الجارة أول للعمل حتى زاد عليها الهم والغم .
وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..حنا اللي الحرمة عندنا ماتكشف حجابها لنا وتكشفه للأجنبي .
وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية !!
ونتركها تركب السيارة لوحدها مع السواق الأجنبي !
رغم إن بنات البدو يسوقون السيارة في الصحراء من زمن . من دون خوف ولا وجل .
ومن دون إعتراض الأهل حنا أول من إبتكر مطاردة البنات في الشوارع بالسيارات.
وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر!
حنا اللي عندنا أغلى المهور في العالم .وما نشوف ولا نعرف العروس إلا بعد الزفاف (شختك بختك) !!
وبسبب هذا ثلث الزيجات عندنا تنتهي بالطلاق رغم الحقيقة والألم حنا السعوديين أحسن المسلمين والعرب (هيّن بس)!
.. .. ..
هذا بعض ما جاء في مقالة
ا لدكتور. صعب بن محمد الزعيمر الشراري {عكاظ}
وش رايكن بعض كلامه جدا واقعي
وبعضه الاخر اتحفظ عليه
يلزم عليك تسجيل الدخول أولًا لكتابة تعليق.
الدمعه الدامعه**
•
والله ماعنده سالفه
:39:وابضيف شي احنا السعوديين اكثر شعب يسب ويشوه سمعته بالمبالغه في وصف حالته واكثر شعب ينتقد ويذكر في الفضائيات لش ماادري لكن اخيرااقول الشجره المثمره دائما ترمى بالحجر
:39:وابضيف شي احنا السعوديين اكثر شعب يسب ويشوه سمعته بالمبالغه في وصف حالته واكثر شعب ينتقد ويذكر في الفضائيات لش ماادري لكن اخيرااقول الشجره المثمره دائما ترمى بالحجر:39:وابضيف شي احنا السعوديين اكثر شعب يسب ويشوه سمعته بالمبالغه في وصف حالته واكثر شعب ينتقد...
معاها
الصفحة الأخيرة