إذا في المجلس احد في عمر عيالك وطنشوك وعطوه وجه

مساء الخير
عمري ٣٥ عندي بنات خالتي مراهقات ووحده في صف رابع وتعرفون المراهقات ما يرفعون عيونهم من جوالاتهم سواء جاهم ضيوف او راحو لاحد بنات خالتي هذولا بزيادة انا مدري كيف امهم متحمله تصرفاتهم الوحده بس جالسه ما تتحرك وعيونها بجوالها لا تجيب ولا تقهوي اذكر اخر مرره زرتهم وعندهم خالتي الثانيه طبعا نزلو البنات وسلمو علينا انا وخالتي وعلى طول كل وحده رجل على رجل ومدنقين على الجولات وكانو بعالم ثاني انا شرهانه على خالتي الي هي بعد خالتهم انا جالسه بجنبها واسولف معها وتجاوبني برسميه وفي نفس الوقت تحاول تسولف مع ها المراهقات الي ما درو عن هوى دارها كل شوي تقولهم وش اخباركم حبيباتي وتسئل عن أحوالهم ودراستهم وايش يحبون وتنادي البنت الي في صف ٤ مدري خامس وهي عاكفة على ايبادها قالت لها تعالي حبيبتي بجنبي وما دريت الا مالت صوبها وتطلع جوالها وتمسك معها سير في السوالف وتوريها صور في جوالها وأخواتها ابد في عالم ثاني بس يرفعون رؤسهم ويبتسمون ثم ينزلونها وانا ساحبه علي وما تعطيني وجه وما احترمت كبر سني وانا متزوجه وأم لو اني متزوجه من بدري كان عندي بنات في عمر بنات خالتي هذولي الصراحه خالتي قهرتني بزياده طيب اذا عندها موقف مع امي انا وشذنبي الصراحه ودي أزور خالاتي لان الله أمر بصلة الرحم لكن اتعب نفسيا