إستفتاء بخصوص المستشفيات الحكوميه بالرياض -اليمامه أو الشميسي أو غيرها الافضل

:35:مسى الخير حلوات
كيفكم
أدري اني ابلشتكم
وكن ما فيه احد حمل وبيولد غيري:hahaha:
بس وش اسوي والله ما عندي اي خلفيه وقلت ما لي اللله ثم منتدانا الغالي ما يقصرون معي البنات
وعلطول جيتكم ابي فزعتكم
المهم انا بموضوع قبل كذا سأللات عن مستشفى اليمامه وما نصحوني فيه البنات وبشوف وش الافضل
الشميسي او اليمامه او في غيرهم تنصحوني
انا سمعت ان الشميسي المبنى الجديد ياخذون فلوس زياده بس مو مشكله اذا كانو يهتمون
واذا كانت ما توصل لمبالغات الأهلي
لأني لو أقدر كنت رحت لأهلي بس الظروف ما تسمح:D
العين بصيره واليد قصيره
لا مو سالفة ما نقدر
بس زوجي يقول ما دامت انك تقدرين تولدين بحكومي فليه التبذير والاسراف
يعني ما يأيد
وانا اللحين ابي فزعتكم وش افضل
وهل الشميسي يعطون ابرة الظهر
او البنج النصفي بالقيصري واللي تقدر تفيدني بحدود كم الزياده اللي ياخذونها علما اني ما ابغى غرفه خاصه ولا طلبات غير العنايه فيني وفي الجنين فقط
وشوكرا مقدما لكل من تدخل الموضوع
والف شكر لكل من ترد وتساعدني
وربي يحقق لكل من تدخل وترد وتفيدني بشي اللي ببالها ويسخر لها زوجها وعيالها يااارب:p:p