إلحقوها قبل لا تصيع عمرها

صديقه لي بالجامعه عندها مشكله والله انا مو عارفه لها حل فمن باب الدردشه حبيت اجوف رايكم فيها

الله يسلمكم هي متزوجه من 4 سنين بعد سنتين من زواجه اشتغلت بس في هاي الفتره كان زوجها متغير عليها رغم انه كان على قولتها يحرضها على الشغل فشكت فيه ومن غير ما تخطط انها تدور على الاجابه مره رجعت من الشغل من وقت على غير عاده أخذت تلفونه تبي تتصل على صديقتها لأن تلفونها تعبئه وكان الرصيد خالص وهو كان نايم لقت مسجات من وحده على تلفون ريلها واتصال انها تنتظره من مده على المسن ولما دق عليها هي كانت نايمه صحت بهدوء وسألته حبيبي من هاي اللي مطرشه لك هاي الايميلات قالها وبكل هدوء هو بعد وثقه هاي وحده كبيره مره معانا بالشغل وام عيال تبيني ادز لها ملف وما يندز الا عن طريق المسنجر هي ما اقتنعت راحت اتصلت من تلفونها على الرقم لقت صوت بنت صغيره مو كبيره بالعمر خطر في بالها تعرف اكثر معلومات عن هاي البنت قالت لها انها داقه عليها عشان تخطبها لأخوها اللي يشتغل في الوزاره الفلانيه وامها تبي تكلم اهلها وهي الحين مو موجوده وقالت لها تتصل على البنت وتاخذ عنها معلومات اكثر لين ترجع تدق على امها
البنت من سذاجتها قالت كل الملعومات عنها واكتشفت صديقتي ان الرقم لبنت في نفس عمرها مو متزوجه وتشتغل مع زوجها بنفس الوزاره ولما كلمتها عن شخصيتها وظاهره تبين لها انها ابدا مو من النوع اللي يفضله زوجها لأنها سفور لها طباع البنت اللي مالها ولي ولا احد لها الحبل على القارب
حبت تعرف مدى العلاقه بين الاثنين وهي تعرف الباسوورد مال ريلها فدخلت على المسن وكلمتها على انها هو فقالت لها البنت ليش اليوم متغير علي شنو فيك وطرشت له اغنيه تبين مدى الشوق وصعوبة الانتظار لليوم الثاني وقالت له ان في وحده اتصلت عليها تبي تخطبها لاخوها وانها تبيه هو لكنه متزوج وهي ما تتزوج شخص متزوج الا اذا طلق زوجته اللي هي صديقتي اللي قاعده تكلمها على المسن على انها زوجها

المهم بكت وقلبت الدنيا وطلبت الطلاق نزل زوجها على رجها وباسها وقالها والله غلطه ما كنت واعي لها ولكنت افكر اني اتركك في يوم ما ادري شلون كلمتها وسامحيني وجلس يبكي ويترجها لليوم الثاني وكل حين نزل على ريلها باسها ويحلف لها ان ما يكلمها ولا يعيد الغلطه مره ثانيه ولما سألته من وين لها الرقم والايميل قال ما يدري اكيد اخذته من اي حد بالشغل فاتصلت بالبنت وهددتها اذا ما قالت الحقيقه بتروح لها الشغل وتسوي لها فضيحه المهم البنت قالت زوجك جابني مكتبه وقالي ابي اعلمك شلون تدخلين بياناتك الشخصيه لبرنامج العمل بالوزاره وبطريقه خبيثه اخذ الرقم والايميل وهو اللي اتصل علي ولما واجهته اعترف ان هاي الحقيقه المهم لأنها تحبه ما قدرت تتركه لكنه ما قدرت تنسى هاي الجرح اللي عمرها ما توقعته منه

بعد 3 سنوات جلست معاه وقالت له يا فلان انا كل هاي السنوات وانا ما نسيت ولا قدرت انسى الالم اللي سببته لي ولا هو بطايب لو كنت مقدم على مثل ما صار طلقني وكل واحد يروح لحال سبيله قلبي بعد ما يقوى غيرها كانت حاسه على قولتها بشي

المهم هو امسك القران وحلف لها انه بعمره ما حب ولا راح يحب او يعرف او يلتفت لوحده غيرها

وبعد شهر وهو سوا بالسياره دق عليه رقم رد قال من انتي من يمكن انتي غلطانه

مجرد ما سألته من هاي بشكل عادي تنرفز وقال وانا شدراني وكانت ايده ترجف وقال وحده شكلها تبي تتحرش

الصافع مو مثل المصفوع الصافع عمره ما ينسى من اصفعه لما شافت الرقم صديقتي تقول شكت لأن على حسب ذاكرتها في شبه في الرقم اللي في ذاكرتها بس هي مو حافظته زين ووقتها صديقتي كانت غيرت جوالها

اتصلت على الرقم لما كانت لحالها وقالت مرحبا فلانه شلونك ذيك دايركت قالت لها هلا الحمد لله زينه انتي من قالت لها انتي فلانه صح قالت اي هني تأكدت صديقتي ان هاي اهي البنت نفسها المهم عصبت وتنرفزت وقالت لها راح اوصل الامر الى الشرطه انتي الى متى بتخربين حياتي قالت لها الرقم دقيت عليه بالغلط ما كنت اعرف رقم من هو كان مسيف في جوالي وحبيت اعرف من بس هي ما صدقت ولا امنت بالصدفه اللي خلتها تحتفظ بالرقم لمدة 3 سنوات وجاي في ليلة كذا تبي تتذكر هو رقم من خيرت زوجها بينها وبين انه يروح المركز ويقول القصه كلها انه كان على علاقه معاها وبعدها هددها ما تتصل على جواله وهي اتصلت راح المركز بس قال انها زميلة عمل من سننين والحين رجعت دقت على رقمه والضابط بدل ما يكلم البنت صار كأن الشكوى على رفيقتي طلع لها الضابط بره هي كانت بالسياره وقالت يابنت الناس غيرتك زياده عن اللزوم وعادي الزميلات احيانا بعد فتره يدقون على زملائهم ولو بالغلط

المهم هي طلبت الطلاق لأنها مو قادره تسامحه او تصدقه وجالسه عند اهلها شنو تنصحونها تسوي قبل لا تهدم حياتها