إلى متى يا بنات قسم حياة الأسرية ردودكم الهجومية والمستفزة!!!

بصراحة بنات حواء صارت الواحدة تخاف تنزل موضوع وتتكلم في مشكلة تأخذ رايكم وتطلبكم حلول
بعضكم ردودكم مستفزة وسخرية واهانة وتلفظ بالفاظ سيئة ويمكن بعد تدعون على صاحبة الموضوع
ليش كذا؟
احنا هنا نرتاح لما نتكلم ونفضفض ونتكلم عن خصوصياتنا لسبب بسيط لاننا مانعرف بعض ونلتمس فيكم الحكمة والرأي السديد
فيجي البعض مدرعم بكلام ماله داعي
دائما اقرأ ردود هجومية وقاسية هنا
والمسكينة صاحبة الموضوع تندم اشد الندم انها نزلت موضوع وكلمتكم عن مشكلتها
وبدل ماتستانس بردودكم وتأخذ بكلامكم
تقعد تقتبس من ردودكم الهمجية وترد عليها وتبرر
وتوضح وقد ازدادت مشكلتها وهمها بسببكم


طبعا البعض مو الكل
يا اخواتي بليز اللي عندها رد طيب وحل لمشكلة ما تقوله وتريح صاحبات المواضيع ولها الأجر إن شاء الله
واللي ماعندها غير السخرية والهجوم تسكت الله يعافيها وتعرف ان كل كلمة محاسبة عليها
وماتدري يمكن تجيها دعوة عليها من صاحبة الموضوع ويصيبها شي وتندم
ياليت نغير اسلوبنا في الردود ونرتقي اكثر عشان نحكي مشاكلنا واحنا مرتاحين بدون ما نخاف انه تجينا صواريخ أرض جو من بعض البشر