إنسانة متبلدة،

السلام عليكم،مالي متنفس غيركم بعد الله ،،بشكي الى الله اولا ثم لبنات جنسي ،مشكلتي بنت زوجي الله يهديها تتعمد تغثني وانا في بيتي ،المشكلة الاولى عندما تزوجت بي والدها كانت هي اكبر إخوانها في ذاك الوقت كان عمرها 18سنة وكنت انا قريبة منها في العمر كان عمري 24 سنه وكانت تنافسني في كل شي حتى في جلستي مع أبوها بعكس والدتها والدتها امراءة طيبة جداا وانا أعزها واحترمها ،،وانا وحدة استحي جداا وبنت زوجي عكسي تمام ما تستحي تعمد تدخل علي غرفتي وانا في خلوتي مع ابيها وتطلب أغراضي الخاصة واستحي وأعطيها قدام والدها ولا يردعها ولا يقول لها شي أبدا وتختلق معي مشاكل لا حصر لها وانا صابرة وساكتة منها الحياء ذابحني وثانيها أخاف أبوها يعتقد اني فتانه ،،فأجلس في غرفتي ابكي ولا اخبر احد ومضت الأيام وأنجبت ثلاثةابناءولله الحمد جالست ع هذه الحال خمس سنوات وهي تتفنن في انواع الأذى لي وانا صابرة وبعد ،،وبعد خمس سنوات انتقلت لمدينه ثانيه وبتعدت عنها وأصبح لي بيت مستقل وارتحت من المغيثة قليلا ولكن هاذي البنت لم تتركني بحالي صارت تجي زيارة وتجلس عندي شهر او شهرين وأشوف منها انواع الحركات وأسكت ،،المهم وبعد ماصار عمرها 23وانخطبت وتزوجت وقلت في نفسي ان شاء الله فرجت ولكن تطلقت بعد سنه من زواجها ويوم تطلقت ما راحت عند أمها جت وجلست عندي وتركت أمها وأخوانها وأنواع المغثه الصبر يارباه يالله احيانا عندي وأحيانا عند أمها،وفي هاذي الفترة اللي هي عندي تعزم ناس في بيتي واذا جاء احد قالت لوالدها الفلان يبون يجون ويأمرني والدها ب أعداد طعام العشاء او الغداء وهي ما تساعدني بشي واجلس اطبخ ولنفخ وهي تجلس تسولف مع المعازيم ،،وانا موظفة وعندي داوم وبعد كم سنة جاها نصيبها مرة ثانية وتزوجت وذهبت مع زوجها في مدينة بعيدة وسكنت مع أهل زوجها وأنجبت طفلتها الاولى وحصلت لها مشكلة بينها وبين أخوات زوجها وشكت لوالدها قال والدها لزوجها تعال اسكن عندنا في نفس المدينة وانا راح ابحث لك عن وظيفة وفعلا وجد له وظيفة وسكنو عندنا في نفس الحي وصار عندها اربع أبناء وتجددت معاناتي معها من جد وجديد صارت ترسل أبناءها في اي وقت الى بيتي يوميا لكي يلعبو مع أبنائي وانا اتعب معهم كل يوم واذا قلت لها شي قالت هذا بيت أبوي مالك دخل،،اقلقت على راحتي ،،شورو على يابنات وش اسوي يابنات مابي مشاكل ابي كل واحد يعرف حدودة زين،،