كتير مننا بنستخدم الجملة دى تبركا بيها ؛ وحرصا على أن الله يقضى لنا الأمور على خير .. وانا عن نفسى بحبها جدا لأن تأثيرها واضح فى تيسير الأمور ..(وكأنها دعاء يا رب يسر لى الأمر ده )
و فى ناس بقت لازمة عندها جملة (إن شاء الله ) شىء جميل لما نستعملها فى غرض التبارك بها ورجاء من الله مفيش شىء يعطل الأمر ..
لكن الغير جميل ..أننا نستعملها للتملص من وعودنا أو بدلا من الكذب ..مش يمكن تبقى بتكذب بنيتك !!
كتير من الناس لما تطلب منهم طلب وهم مش هيقدورا ينفذوه يقولك (إن شاء الله ) ليتخلص من الموقف .
مثلا :لو رحت لخياط وتقوله تقدر تخلصلى البدلة يوم كذا ...يقولك (إن شاء الله ) وهو عارف انه ميلحقش خالص ومتأكد ..لكن بيقول فى نفسه لما تروحله اليوم المتفق عليه ..يتصرف يقولك ملحقتش اى عذر..
الأهم من ده كله
كتير من الآباء والأمهات ..لما الابن او الابنة
يطلبوا منهم شىء ,, نزهة لمكان او لعبة ..او اى شىء من هذا القبيل يقولوا : إن شاء الله ..طبعا ده شىء عادى ,,, لكن اللى مش عادى أن النية عندهم تبقى بين قوسين ( ابقى قابلنى 
) هو اه مرضاش يكذب بلفظ صريح ..او يوعد وعد ويخلفه ..لكن ليه ميقولش الحقيقة ...مثلا : مش هقدر عشان تعبان من الشغل ..او اللعبة دى ثمنها غالى ومش هقدر أجيبهالك ..او او حسب االموقف ..
النتيجة !!
ترتبط عند الطفل جملة (إن شاء الله بخلف الوعد ) بأن اللى يقولها إنسان كاذب ووعوده كاذبة ... ويبتدى (استغفر الله العظيم ) يكره الجمله لا شعوريا ..او حتى شعوريا .. وأول ما يسمعها
وبرده عند بعض الكبار ممكن ترتبط (لا شعوريا ) بالكذب وخلف الوعد ..
-----------------------------------------
فكر ي كده
ياترى لما بتقولها ..نيتك ايه
هل نيتك : انك هتحاول تنفذ الأمر ..إلا إذا حدث شىء خارج عن إرادتك ..
وللا نيتك : اما اشوف
او: لا مش هنفذ ..بس اخلص من الشخص او الموقف ..ياريت يا جماعه ناخد بالنا وشكراااا
=========================