" إن كيدهنَّ عظيم "

من أسبوع عالتمام والتكّة(الثانية)👌
كنت فاردة كتب أبني بجلد فيهم ، ومشغولة وجوزي قاعد (جالس ) حامل جواله
، وكاسة الشاي حده (بقربه)..
بس كل ما التفت عليه(انظر اليه) ، بلاقيه (اجده) متدايق وبحك بدقنه ،
ومبين عليه ملامح ورطة 😐
بعدين ما لقيته غير أجا لعندي وقلي : غلاتي معك شي 25 ألف ليرة ، بعرفك بتخبي هون وهون😉
رفيقي أبو عبدو ، مقطوع ع شوية مصاري بحمص ، قلي ألك ولا للديب ، دقيت على صدري وقتله ولوووو خسى الديب ✊
قلتلو : آه وانتا ليش ما قلتله للديب ولأبن عمه ، وخواله ،وعمومه وعماته ،
بربك نحنا خرج نخسي الديب 😐 كنت مخبيتون بدي اعمل فيهون مكدوس(اكلة شامية)💔
بس طالما عطيت كلمة ، قايمة جبلك ياهون😊
رحت ناولته(اعطيته) ياهون ، وراح على مركز التحويل
، ورجع مبسوط طاير عقله وقاعد يغني (( أحب الخير أحب الناس ، ما أروع هذا الإحساس ))
هوي راح نام ، أجيت بدي نام ، يا دوب غفلت عيني رن جوال جوزي برنة مسج #مكتوب_فيها
حبيبي حبيبي كتير شكرا عالمساري(الفلوس)😘😘 بوسات بوسات ، نيالا مرتك عليك ، ياريتني مكانا😩
#صدمة_رباعية_الابعاد
بس قرءت هيك انجنيت ، انهبلت ، براغي مخي طقت ، كنت بدي طب بخوانيقه واقتله وهوي نايم ، بس عديت من الواحد للعشرة ، فكرت شو أعمل ؟!
أقتله ، بس رح انحبس !!
أحرد ، بس رح يجي يوم أرجع !!
أطنش (اسكت) ، بس رح يضل يعيدها !!
فكرت بشي واحد بس انو الله وهبنا #كيد وبالكيد يلي موجود بالنساء بنقدر(نستطيع) نعالج فيها جميع وشتّى أنواع الندالة ...
خطرتلي #خطة_جهنمية من 6 مراحل تخليه يحرم يعيدها رح اعطيكن ياها يا معشر النساء بالتفصيل الممل ، أن ما كبرت ما بتصغر😉
#المرحلةالأولى (( #الصدمة ))
بلشتلو قوم ، قوم ، يا خاين ، يا زير سالم ، يا الحاج متولي ، فز (قام) بأربعته قال لك شبك ...
بلشت قلو شوف هالمسج يلي اجاك ، مصاري يلي عطيتك ياهون بتقلي لرفيقك أبو عبدو ، وأنا يلي حارمة حالي وولادي كرمال كون معك عالدهر ، وانتا والدهر مع أم الزهر عليي😭
صرت ابكي وابكي واعمل حالي رح اختنق وموت ، وأنه قلبي رح يوقف ، هوي بس شاف هيك انجن قلتلو خدني على أقرب مشفى عالسريع رح موت 😭
وطبعا"اقرب مشفى علينا هية هشام سنان وما ادراك ما هشام سنان 😂😂 هلق هون رح ننتقل ...
#المرحلةالثانية (( #الخورفة))
طبعا" بين تحاليل ، وفحص ، وكشف ، وورد ، ومسايرة ، كنت جايبة أجله ، هيك جكر فيه ، هلق هون رح يكون انتقال سريع إلى ...
#مرحلةالثالثة ((#ديليفري))
هاي احلا مرحلة 😂😂 طبخ مافي ، شغل بيت مافي ، جلي مافي ، كوي مافي ، لانو انا طبعا" واقعة بمشكلة نفسية صعبة متل ما شرحولوا بالمشفى 😂😂 المهم كلو ديليفري 😎 خليه يحس بتعبي بالبيت ، وبالفعل صار يشتغل ، ويجلي ، ويدرس ابنه ، ويغسل جراباته كمان😎
الانتقال إلى اليوم الرابع وإلى ...
#المرحلةالرابعة (( #تأنيب_الضمير))
يروح ويجي ويجبلي أكل ما آكل ، ولا اشرب مي ، ولا حط أي شي بتمي قدامه ،( طبعا" بس يروح بلوش(بحوم) عالاخضر واليابس 😂)
وع طول حاطة أغاني حزينة ، (( ليه خلتني أحبك ، فين اهرب من حبك روح منك لله ))
ويا خااااين ملكش أمان ورتني العذاب ألوان 😁 ، صار كل ما يفوت عالبيت ويشوفني بهاي الحالة يجن ، يطق ، متعود عليي بضحك ، و ضل حوليه متل الخدم ، وعامل سي السيد 🙃
هون انتقلنا لليوم الخامس والانتقال إلى ...
#المرحلةالخامسة ((#الموت_التمثيلي)) رحت بليل عالمطبخ وصرت أدهن وجهي عصفر ورجلي وايديي ، وحط فونديشن على شفايفي عشان يبينو بيض وباهتة ، الله وكيلكم حتى حواجبي وشواربي ما شلتهم هاي الفترة عشان خليه يفوت بالمود ووشعوره بالذنب 😁 يلي رح توصلنا لأهم مرحلة وهية ؟!
#مرحلةالسادسة (( #الندم))
هون بهاي المرحلة بس يشوف تتدهور حالتك الصحية بسبببه ، رح يحس بشعوره بالذنب ، تأنيب الضمير ، وقديه تراكم عليه ديون من ورى نزوة ، صار يمسك أيدي ويقلي خلص سامحيني
، الله يخليكي سامحيني ، قلتلو بشرط ؟! بتحلف عالقرآن ما بقى تعيدا ، ، وإذا حلفت كذب بصير فيك متل #الادعشري
(( يلي بيحلف يمين كذب يا ويله ويله من الله 😁))
حلف ، ومو بس حلف ، دق لام الزهر وقللها اذا عاد بتدقي على هاد الرقم رح اشتكى عليكي😁
وفرررررحت كتير بعد ما حققت #الانتصار
هلق انا سامحته ، بعد ما أعلن توبته ، بس هديك ام الزهر المقوصة(دعوة) ما بسامحها وعلى قولة الست فريال :
آلهي يبعتلا 12 سوا ،،
نار وبرد وهوا ...
وصياح ونياح وغز رماح ...
وعمى وفالج وكرساح ...
وفقر ودين وغضب الوالدين ...
هالمقصوفة العينتين. ...
#بتستاهل وحياة شواربي 😂😂😂
يا جماعة قصة من خيالي ماصايرة معي لا تدعولي عالزلمة الله يخليكم😂😂😂
ترجمتلكم المعاني الصعبة الصعبة 😅😅😂😂😂
منقوووووووول