اااااااه ي البعثــــــــه ..دخول للاهميه تكفون

السلام عليكم ورحمه الله وبركاته

تكفون مشرفات خلوه في القسم هذا الاقسام الثانيه مافي تفاعل كبير الين القى اجابه وبعدين طيروه خذو راحتكم الدار داركم هههههههه

انا ي بنات ماخليت مكان ماقدمت فيه ماجستير ولا انقبلت طبعا وظائف غاسله يدي منها

قلت اكمل احسن لكن برضه ماانقبلت مع اني متخرجه بمعدل عالي وتقدير ممتاز ماشاء الله تبارك الله

الحين فكرت في البعثه وزوجي قال حلو برافقك وادرس لغه معاك يعني نستفيد الاثنين

التقديم ان شاء الله اذا كتب لنا عمر شهر رمضان تقريبا

طيب الحين بتقولون وين المشكله

هي صراحه عده مشاكل ههههههه اول شي انا عمري يوم يجي رمضان باذن الله يصير

سبعه وعشرين و 8اشهر وشرط البعثه لايتجاوز العمر 27سنه يعني اكون معديه 8اشهر

ثانيا من الشروط الاتزيد الفتره بين تاريخ التخرج والبعثه عن 5سنوات

ومع التقديم راح تكون 5سنوات وشهرين

هل ممكن يتغاضون عن هالشرطين ويشوفونها فترات بسيطه ولا بيرفضوني

وهل مر عليكم احد نفس حالتي؟

طيب الحين المشكله الكبيره زوجي عسكري في الدفاع المدني وجا

امر ملكي اجازه استثنائيه للعسكر اللي يرافقون محارمهم لكن يقولو القرار انلغى ومااحد يحصل عليه

بسهوله هل فعلا مافي امل انه ياخذ هالاجازه ويرافق معاي نوروني الله ينور عليكم دنيا واخره

ابي احد يطمني لاني تعبت كل جامعه في المملكه قدمت عليها وانرفضت مع اني اجيب في اختبارات

التخصص نتائج حلوه لكن ماحد قبلني وكمان طموووووووحي كبير وحبي للتعلم ماله حد

الله يسعدكم ابي ردود تبرد الخاطر ولكم احلى دعووووووه مني