ااااه من الظلم لما يصيبنا..بالذات من أقرب الأقربين

عطوني رايكم.... كيييف اتصرف الحيين؟؟؟؟؟؟؟؟؟؟

حسبي الله ونعم الوكيل !!!

ليش ماتصارحيها انك تبغي تتزوجي وان عندت معاكي قوليلها يعني لو رحت للحرام وضعت ذنبي برقبتك ..

او مثلا تذكريها عذاب اللي يحرم بنته من الزواج ..

ووالدك اش دوره في الموضوع ؟

انا من رايي هادي حياة وزواج ولا تضعفي ووكلي امرك لرب العالمين والله كريم ان شاء الله ..

وابغى منك دعوة حلوة زيك انو ربنا يهديني ويسخرلي اللي فبالي ويريح قلبي قولي امين ترا والله انا ادخل القسم دا بس عشا اقرا مصايبكم علها تهون عليا مصيبتي ...

وطمنيني عليكي

سالفتي غير.... يارب فرج امورها وسخر لها اللي في بالهاوريح قلبها اللهم امين امين اميين...

انا مثلج يا اختي ادخل على هذا القسم عشان تهون علي مصيبتي وبنفس الوقت استفيد ...

والله قلت لها يعني تبيني اسير بالحرام مثلا(استغفر الله) يعلني اموت ولا اسير بالحرام.. قالت لي انتي عاقله لا تخلين الريال

يخرب مخج..اففففففففف قهههر والله... أنا لو أبا اتزوج كنت اتزوجت منزماااان..بس والله أريد زوج صالح فقط وماله حلال

ويتحمل المسؤليه..............للأسف امي تفكيرها ماااادي ومظااااهر..مع انها متدينه اربع وعشرين ساعه تحط ع قناة الناس والبركه والرحمه... وفالعبااااده رقم وااحد..

بس بعد التقاليد مأثره فيها...الصبح لااازم شويه سوالف فالتلفون وبعد المغرب فالبرزه عند قريباتها وصديقاتها الحريم الكبار اللي ماعندهم غير الكلام التافه...لو يحفظون قران أحسن لهم..

هي وصديقاتها كلهمم عقققد...عشان جذه الله مبتليهم في نفسهم وعيالهم..صدق من راقب الناس مات هما..

كلللهم عندهم أمراااض وكلهم عيالهم مب متوفقين أو يمشون بالحرام..هم مايدرون لكن نحن الجيل الأصغر ندري..

لا حول ولاقوة الا بالله...بسير أذاكر شويه باجر امتحاني وكل اللي ذاكرته انمسسح..لو انجح هالكورس زين

اه ياقلبي معليش اتأخرت عليكي !!

حبيبتي طيب دحين انتي مو قلتي في انسان تبغي تتزوجيه والوالده رافضة ؟؟

طيب اش دور الوالد في الموضوع ؟؟

مممم بس حبيت اعرف عشان اقترح عليكي والله اموت من القهر لمن اسمع انو اتنين يحبو بعض واحد الاهالي يرفضو

حبيبتي فين دور والدك واخوانك واعمامك وحتى جدك كلهم اطراف ممكن يدخلون بالموضوع وممكن امك عندها حق بالرفض مافي ام ياقلبي ماتبغى لبنتها الخير او تتمنى تشوفها عروس يعني اللي فهمته انها رافضه علشانه مو من قبيلتكم بس ممكن فيه سبب اقوى من كذا يعني اذا كان ولد عيله معروفه مااعتقد انها بترفض اكيد فيه سبب قوي اجلسي معها واعرفي السبب صدقيني مافيه وحده تزوجت غصب عن اهلها الا فشل زواجها قصص كثيره شفناها وعموما الله يفرج همك يارب ولا يرد القضاء الا الدعاء