اااه يارب لااعتراض ع حكمك بموت من القهر ابغي افضفض

يابنات ابغي ادخل ع طول
انا امي وابويا لهم مع بعض 21 سنه الحمدالله والله لايغير عليهم المهم في وحده من عماتي متسلطه علينا الله ينتقم منها يارب
والله والله والله انها مهي مخليتنا بحالنا هلكتنا باالسحار والله هلكتنا فوق ماتتصورو ماخلت شي الا ماسوتو
انا ابويا عقيد الحمدالله كنا ساكنين برا المدينه علشان شغل ابويا ودحين رجعنا المدينه برضو علشان ابويا
الهدف من عمتي تبغي فلوس مخليا ابويا خاتم في صباعها
المشكله انها مديره وبنتها التانيه مشرفه ولدها يشتغل وفوق دا مهي مخليه شي
ابويا مطلع ولدها التاني ع حسابو مصر يدرس طب كل ترم يتدفعو 10الاف ودحين له 8سنوات وماخلص مو فالح بطب فالخ باالغني راح زي النجوم وفاز وبعدها سار مغني
ابويا باني لها معانا فله كامله 3ادوار اتخيلو حسب الله ونعم الوكيل فيها وغير كده دحين مسوي شقق يقول ماتسكنو قبل اختي والفله لها 6سنوات من غير تشطيب يقول اول اختي
يوم اتزوج ولدها ابويا مسوي له الفرح هيا طارده زوجها الله يرحمو كانت تاخد راتبو التقاعد وتعاملو زي الفراش
بنتها لمن اطلقت قالت يااخويا فلوس المهر علشان سوت خلع واعطها30
ويوم اطلقت تاتي جات برضو اعطها 27
واجار هوا دافع لها
كل شويا تتطلب فلوس وراتبها ماادري فين توديه
ودحين تبغي اطلق امي من ابويا اتخليو تغريه بالبنات ومرا شوفت صوره خليعه للحرمه الي يكلمها هيا مدرسه عندو وسارت مشكله مررررا كبيره وةقفت ابويا عند حدو وساب الحرمه بعد تهديد
المهم ماتبغي اخواني يدرسو تبغي عيالها احسن شي
تغار مننا امي غلبانه ماتفتح فمها بكلمه انا الي واقفه معاها
تعبت امي تعبت خايفه عليها
كنت ابغي ابلغ عنها الهيئه بس خوفت ع سمعتنا اتخيلو في ملكة خالي راحت تتطلع كلام ع خالي واتطلقو ماتبغي تسير عندنا فرحه
ابويا مايرضي عليها كلمه حتي لو عارف انها هيا الغلطانه
شيخ ابويا مايروح
ودحين شحت راس ابويا يبغي يطلق امي
تعبت ماسار يبغي اهل امي
حتي اليوم سارت مشكله وزعل كده من نفسو وطلع امي الغلطانه واهلها وماراح شبكة خالي وهوا رحيمهم الوحيد انا ماعندي خالت

مااقدر اقول غير حسب الله ونعم الوكيل فيها الله ينتقم منها نقبت الجبار الله يورينا فيها يوم في دا الشهر الفضيل الله يبعدها عن طريقنا
قولولي يابنات ايش اسوي مع امي خايفه عليها دحين سارت كل شويا تقولي حاسه انو حيتزوج عليا والله تعبت حسب الله ونعم الوكيل فيها الله ينتقم منها