اارجو ا المساعده يا اخواتي انا في حاله يرثى لها

تاكدي اختي لاتكون في مكان ثاني غير الي غسلتيه-المهم فيه موضوع كاتبته عضوه الله يجزاها خير عن رائحه الاستفراغ تغسله بخل جربي ان شاء الله تنفع انا ماجربت -بس انا دايم اغسل اي بقعه سواء بول اعزك الله اوغيره بصابون مواعين وشوي كلوركس ابيض او كلوركس كلين اب الي علبته حمرا وغطاها اصفر

حطي شي بسيط من الكلوركس عشان ما تغير لون الموكيت مقدار الغطاء على 2كاس مويه ونظفي السجاد وبعدين اخاف البول في مكان ثاني واحيانا نفس الموكيت اذا جاه الويه ولا جفت تطلع ريحه شينه فلازم تغسلينها من جديد وتنشرينها في الشمس

رشي على المكان ..ماء مضاف له بيكربونات الصوديوم وان شاء الله تروح الريحه

إذا هي سجادة (زولية يعني) وديها المغسلة يغسلونها كلها أفضل وأطهر
وإذا هي موكيت ولا تقدرين تيشيلينه من مكانه أفضل شي تتأكدين وين مكان البول >>>الله يعينك على اشمشمة هههههههه
وبعدها خذي الجل الأخضر العملاق أمزجيه مع كمية كافية من الماء يعني 3ملاعق كبيرة على 3لتر ماء
وبالفرشة فرشي الغرفة كلها ثم شغلي عليها المروحة وأفتحي الشباك للتهوية
وإذا نشفت خذي كربونات الصودا ورشي الغرفة بالكامل حتى الكنب أو الجلسة ورشي رش معتبر يعني خليها تكون بيضاء يادوبك تشوفين الفرش من تحتها
وأتركيها يوم كامل وبعدها أكنسي الغرفة
وراح تدعين لي >>هاه مو ماتطبقين كلامي زين ثم تدعين علي ههههههههه<<
بس صدقيني إذا تقدرين تشيلين الموكيت وتغسلينه أفضل ترا المغاسل ياخذونه ويغسلونه ويطلع جديد
شوفي مغاسل الجبر ممتازين لا ويجون للبيت ياخذونها ويجيبونها لك بالطلب شرط يكون راعي البيت موجود
وموفقة إن شاء الله

غسلية بفيري وشوي لينور وان شاء الله تروح الريحة