االزوج مــــــاله امان ولا عشـــــــره ولا معــــــروف (بعد الحـــب كراهيــــه )
كانت خالتي بالعمر الخامسه والاربعين جميله جسمها خيال بيضاء شعرها اشقر طبيعته كذا والله يابنات مو عشانها خالتي امدحها كل مافيه حلو لاجتمعنا في بيت جدتي وجو خالاتي كلهم تجي وماطول بس تفكيرهااا بزوجها كانت امي تقول لها خواتك ماتشوفينهم الابسنه مره وزوجك لاحقه عليه كل يوم مقابلك اجلسي معهم لان خالاتي بعيد خارج منطقتنا اللي فيها جدتي وامي وخالتي هذي وكانت تقول لامي بستغراب مااقدر كيف اخليه كيف ينام من غير مااغطيه واسمي عليه كيف ياكل وانا مو بجنبه وامسسسك له الفوطه وافتح له باب الحمام (وانتم بكرامه ) قبل مايدخل واجهز ملابسه وابخرهن واساعده على تسكير ازرته كانت تكلم بطيبه وحب واخلاص لزوجهاااوالله يابنات تحبه حب جنون كل شي بحياتهااا وهو رجال شخصيه معروف عند جماعته بسمعه الطيبه والرجوله وكان دائم يعزم وخالتي هي اللي تطبخ في بيتهااا وتحط اكثر من صنف حتى تجمله وكانت متميزه بشغلهااا طبعااا هي تزوجت وهي صغيره مره تحمل جهلها لبعض الامور علمهااا وفهمهااا ودرسهااا وكانت تشوف هالشي معروف لاتنساه له لين ماصارت ماشاءالله فاهمه وحكيمه وكلن يستشيرهااا وحبهاا لزوجها كل يوم يزيد عن اليوم الثاني وهو يحب اعياله ويخاف عليهم ويلبي طالباتهم كانت امورها مستقره وكان يهدي لهااا هدايا قيمه بحكم وضيفته ودخله عالي مره يعطي خالتي مصروف شهري يدل على كرمه ويصرف ع البيت واعياله بكل سخاء واذا جاب خالتي عند جدتي مايقصر يجيب من الى 0000جدتي وامي وخالاتي يعزونه ويقدرونه وكان المثل الاعلى لنا هو وخالتي 000بس الرجال يبقى ماله آمان وخاين وينسي العشره وتروح ماكئن صار بينهم عيش وملح سافر لسوريا وقال لخالتي عندي شغل اسبوع وجاي كانت خالتي خايفه عليه واول مره يسافر وحست بضيقه وتقول كيف يستغني عني اكيد بيحتاجني رتبت شنطته وحطت فيها بطاقات واكتبت عليهن وورد ودعته بالله كانت تدق عليه بكل لحظه اول ماوصل تطمن عليه بكل دقيقه قال لها ابقفل جوالي ومتى ماافتحت اكلمكم وتراي راح اطول مافتحه بحكم العمل والا جتماع كانت اعيونهااا ع الجوال تنتظره بكل لهفه صار مايكلمهاا الابعد ثلاث ايام وخمس دقايق فقط يتطمن ع العيال ويقول مشغول راح اسبوع وجلس اسبوع ثاني وع الحال وثالث ورابع وجلس شهرين وهو وقت معين يكلمهااا ولاتستغرق الخمس دقايق يحول مصروف اعياله وهي كانت تقول ياربي وش صاير لشغله بسوريا وطول كان الشوق يعتصر قلبهااا من الداخل لكن تتحمل تضحي واثقه فيه كل الثقه ومستحيل يدخل الشك فيهااا انتظرت زوجهااا بكل شوق غيرت اثاث غرفتهااا لي اول مره غيرت من نفسهاااا دق عليها قال انا في المطار تقول كل شي جهزته وجاء ودخل البيت تقول والله اركض مثل الطفل قبل اعيالي وحضنته جهزت القهوه والحلى وجلس يتقهو وهو عاقد حواجبه تقول انا مدري وش اقول المهم كل اللي افكر فيه كيف اريحه واخليه ع كفوف الراحه حتى الكلام احس انه يتعبه جاي من شغل شهرين وهو يسب بشغل وزحمته المهم تقول حطيت الماء وحطيت ارجوله فيه ولولا الحياء من اعياله لقبل ارجوله تقول اول مره يبعد عني مدري كيف نام واكل ولبس من دوني لو شالت بخاطرهااا شرهات على مكالماته لها كانت محدود ومعدوده بس هي مستعده تسامح وتضحي عشانه لانه تحبه بصدق وخلاص قام يبدل ملابسه تقول افكر بحياء كيف ردت فعله من الغرفه جهزت بتعب وتعبه راحه وكانت مكلفه وحطت جميع الفواحات والشموع وكانت مبدعه في استقبالهااا له في غرفتهااا تقول دخل من غير ماينطق في اي كلمه قال اببدل وطفي النور بنام ولاسمع نفس للعيال تقول احاول ماكني سمعت كلامه والف يمين يسار عليه ابساعدك ابي قال انا ماني بزر انا تعودت اسوي شغلي واعتمد ع نفسي تقول كل ماقتربت منه اكثر ابتعد عني وجلس ع طرف السرير قال سمعتيني طفي النور واطلعي برا ابنام او انا اطفيه بنفسي تقول كان وجه اسود وكانه شايل هموم الدنيا ع راسه تقول انحرجت وانا كنت اشغل الشموع بفرحه تغمرني انتظره وفجاءة تكون رده فعله كذاااا تقول قلت طيب بطفي الشموع وهي اطفي كل شمعه تحس ان النار بدت تشتغل بكل صدرهااا وتزداد اكثر واكثر تقول لدرجه حسيت جسمي مثل النار وانا اقول ياربي طفي النار اللي فيني تقول بعد كلمته ممكن تطلعين مدري وش حسيت فيه احساس برحمه له انه تعبان ولا يحب يضايقني بتعبه او بااهانه لي ماقال الا فقط اخباركم من يوم دخل حتى الابتسامه ماشفتهااا ولا حتى الله يعافيك ع العشاء اللي من الصبح تنفخ فيه تقول طلعت وسكرت الباب ودموعي بدت تنزل كانها مطر واناظر في المريه كحلي سال ومكياج خرب تقول شفت نقش الحناء بيديني وقصة شعري وصبغه اللي استعديت له ولا كلف على نفسه حتى بنظره لي تقول قلت انا ليه اغير من نفسي وهو يحب طبيعتي تقول احط اتفه الاسباب حتى اقنع نفسي في تصرفاته لي يمكن هو مايحب هالقصه هذي يمكن مايحب هالصبغه يمكن ويمكن 000تقول قلت بنفسي لازم اروحله يمكن يعاني من مشاكل بعمله ابروح اضمه واشيل همه واتحمل اي شي يجي منه وهي ماشيه لباب الغرفه بين ادخل او ماادخل عليه وقفت عندباب الغرفه متردده الا وهي تسمع بكااااااااااااااااااء مكتوم من زوجهااا وقف قلبها ماقدرت تحرك تقول اسمع صوته يروح ويجي ابي اركز مو قادره تقول بالاخير ربي كشف لي امره واسمع (يتوسل لها ويترجاها تكفين تكفين ماقدر اتحمل ولا اعيش من دونك انا يوم اشوفك بحمص تمشين معه ماتوقعت انه اخوك وسويت مثل اي واحد يغار ويخاف ع زوجته ) لهنا وبس اتضحلهااا كل شي انه متزوج ولا يستغني عنها وانه اساء الضن فيها وتاكد وكان ظالمهاا في نظره اااااااااه يابنات والله احس بدقات قلبي بتطلع من قوه مايدق قلبي وهي تشكي لامي ولنا حسبي الله عليك من رجال ضحت ووفت ووثقت وتحملت كل شي عشانه واخرتهااا كذااا منحته كل شي حتى كرامتهااا وجزاها بشي هذااا تقول شلت نفسي وانا كاني اشيل جبل من الهم ولا انزلت مني دمعه كانت متحجره بقلبي من قو الصدمه جلست بصاله كاني بين فاقده الوعي وبين وجود وعيها جلست افكر وسمعت فتح الباب وراح للحمام وانتم بكرامه وطلع وجاا لصاله ووقف عند راسها وهو يقول ليش مانمتي تقول سكت ودنقت راسي قال ماعليش بكرا جهزي لي شنطه ثانيه وشنطته الاولى مافتحها قال انا ابسافر بكره داخل هنا لحدى المناطق عندي اجتماع ضرووووري تقول لاول مره بحياتي اكلمه وانا جالسه وهو واقف من عرفته وانا محترمته ومقدرته بشكل كبييير تقول رفعت راسي وانا اقوله منت رايح لحمص بعد ماعرفت حقيقة زوجتك وانك ظالمهاااا ماقدرت تستغني لو يوم تقول وجه صاااار الاوااان وجلس يصارخ ويكسر كل اللي حوله تقول ردة فعله هذي اكدت لي اللي سمعته عند الباب تقول تمنيت انهاا كانت رده فعله هاديه وانكر كان ع طول صدقته ---- يتبع
141
15K
يلزم عليك تسجيل الدخول أولًا لكتابة تعليق.
زوجة المنتصر**
•
كملي
تقول قال بالحرف الواحد (زوجتي وابروح لسوريا ومافيه قوه بدنيا تمنعني عنهاا ولا احد يهمني الا هي ولو افقدها تحرم علي العيشه بدنيا انتي جالسه تجسسين علي تتوقعين اني خايف منك او حاسب لك حساب او مفكره انك راح تمنعيني عنهااا ) تقول كنت اسمعه بكل قووووه ولا نزلت دمعه قدامه رغم كلامه لي مثل الصااااعقه واحس اني اختنقت من قو كلامه لي تقول قمت ورحت لغرفه عيالي وقفلتهااا علي وتقول بدى الدموع تحرق ارجولي تنزل كانها تجمع خمس واربعين سنه من الدموع تقول كاتمه صرخاتي وهمي عشان اعيالي جلست لين صحوا اعيالي من بكرا طلعت ومثل ماتوقعت لاني سمعت ضربه الباب يوم طلع كان رايح واخذ شنطته --اخذت شريحتهااا وجولهااا وكسرته بحاله هستريه واخذت صوره وهداياه وكل حاجه له رمتهااا تتوقع انه يخفف شي منهااا حتى ماتضعف مع الايام وتشتاق له بكت شالت هم مايعلم فيه الا الله تقول لولا الله سبحانه واني اكثر الاستغفار وقراءه القران واصلي كان انتحرت او انجنيت بس حاطه ربي قدام عين بكل لحظه اضعف فيهااا بعد مرور اسبوعين دق جوال ولدهااا ورد تقول قال قل لامك انا محتاج البيت للبيع اذا تبيني استاجر لهااا شقه تمشون حالكم فيهااا لين اشري لكم بيت ثاني وتراي جاي بكرا وابيك انت واخوانك تحظرون العشاء في شقه خليت عمك يستاجرهااا موقت لي ولزوجتي ولازم تحظرون تسلمون على خالتكم تحطمت انكسرت انذلت نهايه الخدمه له والعشره هذا هو الرجال يبقى مثل هالمثل هذا على قولت جداتنا حب الرجال للمره مثل لحمه الكتف اذا شلتي طرف من الحمه طاح كل الحم اللي بالكتف وحب المراه لرجال مثل لحمه رقبه تاخذين يومين ابطلعين الحم منهااا ماتقدرين المهم راحت الايام وهي بحسره وهم وتقول كان يجي عند الباب يشوف اعياله وهو واقف ولا يسال عني ولا يهمه امري تقول لاشفته دخل رحت لغرفه ثانيه اكرهته كره مايصدقه اي شخص يعرفهااا قبل تحول حبهااا له الى كراهيه وهي تنتظر بيتهااا اللي يبنونه لهااا عزوتها سندهااا اخوانهااا حتى تجلس فيه بكرامتهااا مصروفهااا ومصروف اعيالهااا راح حولات لسورياااا صارت جدتي وخالاتي يجمعون لهاااا اللهم افرج همها وانصرهااا واجعل اكبر همها الدين ورضا الله واغسل حبها له عن قلبهااا
اتمنى من اخواتي اللي ماتفهم القصه انا ماراح اعيده لها وافهمها تخليهااا للي يفهم ويحس
الصفحة الأخيرة