ابتزاز عيني عينك ..انتبهوا قبل لا تشترون ..

خواتي بنات حواء
اليوم صار لي موقف بالسوق .. والسعيد من اتعظ بغيره ..
قلت أحذركم وآخذ رايكم بنفس الوقت

دخلنا المحل أنا وبنتي ، كنا ندور هدية ، لقينا صندوق مجوهرات ، عجبنا ، بغينا ناخذه ، لقينا يد الغطا مكسورة من فوق ،،قلت للموظف : لو سمحت فيه واحد جديد مثل هذا ؟ قال : نعم فيه ..قلت ممكن أشوفه ؟ قال : ممكن لكن انتظري شوي نجيبه من المستودع .. وقفنا ننتظر.. وننتظر ..تأخر .. شفته يتعامل مع ناس غيرنا .. قلت له : الصندوق لو سمحت .. قال : ايوه شويه بس ..قعدنا ننتظر .. ننتظر .. راح علينا الوقت ..أعلنوا قرب اغلاق المحل للصلاة .. طفوا بعض اللمبات .. دورت الموظف ما لقيته .. رحت للمحاسب لأنهم أخذوا الصندوق المكسور وحطوه عنده .. سألته : قلت له : فيه واحد جديد مثل هذا ؟ قاموا يطالعون بعض ( الموظفين هنود )وقالوا ايه فيه ..بعدين قال لي واحد منهم ، تعالي بعد الصلاة على أساس نغلفه لك .. ما حسيت الا ويجي واحد مدري منين طلع لي ، شكله من لبسه كأنه رئيسهم .. قال لي : الصندوق موجود بالمستودع بكرة تعالي خذيه .. قلت طيب .. قال : بس لازم تدفعين الحساب الحين !! قلت : نعم ؟ بكرة إذا جيت ان شاء الله آخذ الصندوق وأحاسب ..قال لي : لا . لازم تدفعين الحين عشان نطلعه من المستودع .. ما نقدر نطلعه من المستودع الا لما تحاسبين الحين !!قلت : بس أنا ما أضمن أني أجي مرة ثانية .. وقعد يقنع فيني أني أدفع لهم الحين وبكره أجي آخذه ..قلت له : خلاص ما أبغاه ..وقعد يناديني ومدري شيقول ..أنا خلاص لاعت كبدي ومشيت وهم لازالوا ينادون .....
عيالي يقولون لي اشتكي عليهم عند ادارة المحل ..
هذا الموقف الأول ..


أما الموقف الثاني عند نفس المحل : اشتريت روج .. قال لي تبين شيء بعد ؟ قلت له لا بس هذا .. بكم ؟ قال لي . 40 ريال .. طلع لي واحد ثاني من نفس الماركة ، وعجبني ، قلت عطني اياه ... يعني أخذت الإثنين من نفس الماركة .. ولما جينا نحاسب طلع الثاني بـ 55 ريال ..وأنا كنت أعتقد أنهم بنفس السعر .. أنا مادريت طبعا الا بعدين لأن بنتي هي اللي حاسبت ..

فإيش رايكم بهالموقفين .. أنا أشوف أنه ابتزاز .. فحبيت أحذركم لا يصير لكم مثل هالمواقف ..وبنفس الوقت قولوا لي ايش تسوون لو كنتوا مكاني ..








.