اشتقنالك يالمنتدى بس آآآه لو تبطل حركاتك شوي
كل سنه والجميع بخير وسوري لو متـأخره
موضوعي ابشكي فيه من شي وصلت مرحله اني مدري وش السواه مع هالناس:06:
ليس تشهير وربي يعلم والتشهير يعني اذا ذكرت اسمها موصح؟
وارجع اقوول الحمد لله الذي عافانا مما ابتلاهم به
لان الانسان مبتلى
ابتليت بوحده وربي يشهد ماضلمتها ابد ولا اقدر اواجهها وانا متاكده مليوووون بالميه انها ورى ذا كله
ما اجيها ولا تجيني الا افقدلي كم غرض حتى تجنيي ببيتي ومافي الا انا وهي الا نص اغراضي بــــــــح..!!
وربي كل ما اجتمع معها تضيعلي ساعه اسواره و....و
اكثر من مره حذرتني امي ومن تزوجت وهي تنصحني اني اشيل اغراضي لاجوا هالناس وماكنت عارفه ليش ولا اهتميت ابد
وتعرفون عروس وكل يوم فاقده شي من ذهبي ولا اعلم امي ابد والمشكله مافقدهم الا وهم عندي مره وربي كنا نتعشى وحطيت دبلتي عالطاوله وبس قمت شوي وارجع الا ماهي فيه..!
ماجاء على بالي ان احد اخذها قلت يمكن طاحت مني في مكان
حتى برمضان اللي هو شهر الصوم عن كل مايغضب الرحمن جتني وطلعت بنت الحلال والقى ساعتي بح وعطري على المدخل بعد بح.
.!!سكت ولا قلت لاحد لاني لو بشكي بيقولون تستاهلين دايم نقولك بس ماتفهمين
بس بعد اللي صار بالعيد خلاص انفجرت مدري وش اسوي
ويمين الله انها ثلاث الاف بشنطتي ماحصلتها..!!
وما كان بالاستراحه الا انا وهم وامي توها جايه
وتشوفني ادوور عليها وامي تدور وهي لا تحرك ساكناً
بنات انا وربي ماضلمتها وامي شكلها تعرف عنها شي بس ماتقولي دايم تقول الله يستر عليهم ما قاصرهم شي ومع ذلك ...
وهالكلام من قبل اتزوج ومشكلتي سكنت جنبهم وكل فتره تجيني صرت اشوف الشي اللي يستاهل واشيله بغرفتي ومع ذلك ايضاً افقد شي اذا طلعوا..!!
طيب وش السواه ..مجبوره اجتمع فيها وربي لو اخبي كل شي مصيري افقد شي اذا راحوا..ويمين الله ان حتى الاي باد ماسلم
يعين الله وربي يخلف علي قسم مدري وش السواه معهم
لو هم ناس محتاجين وربي ماضيقت صدري بس وربي ان مو قاصرهم شي ابد ابد
ارجع اقول الحمد لله الذي عافانا مما ابتلاهم به
طيب انقلي من جنبهم
الله يعوضك قلبوه ويصبرك
قسم لو انا تجيني جلطه هههه3 الالاف بح مرررر ره وحده