ابرة البثيدين في الوريد لتخفيف آلآم الطلق...

اخواتي العزيزات
انا اشوف ان الكل يتكلم عن ابرة الظهر ومالها وما عليها
والمخاطر اللي ممكن تجي منها ..
وكلمتني وحده من يومين وقلت لها عن رغبتي الشديده اني اخذ ابرة الظهر لان ولادتي قربت وابي شي يخفف علي الولاده
قالت لي وش لك بالمخاطره مع ابرة الظهر وقالت لي عن ابرة اخذتها هي في ولادتها تنحط في المغذي وتسبب حرقه بسيطه في اليد ثم تروح للراس وتشعر الوحده بالنعاس وتروح في النوم وما تحس بنفسها الا و السسترات يقومونها علشان تدفع البيبي علشان يطلع.. سألتها وش اسم الأبرة قالت ما تعرف
وسألت طبيبتي وقالت لي هذي ابرة البثيدين اما تؤخذ في العضل او توضع في المغذي وفي المغذي تسبب النعاس ..
عني انا اخذتها في ولادتي السابقه في العضل وما عطتنيها الممرضه الا بعد ما انفتح الرحم اكثر من 4 سانتي والمفروض انها تؤخذ بعد ال2 سانتي حتى تعطي مفعولها
وكل الي استفدته منها انه تريحني بين الطلقات وتخليني شوي ريلاكس بس الم الطلق مثل ما هو .
اخواتي اللي لها تجربه مع هالموضوع ياليت تفيدنا ...واكون لها من الشاكرين