ابرة الظهر بس الي جربت بنفسها في سليمان فقيهه او غيره

جربيها والله انها رحمه الحمدلله وهاذي نعمه من رب العالمين انتي بس توكلي على الله ولا بتحسين فيها يعني على حسب خفة يد الدكتور وشطارته

للرفع

حبيبتي حواء وآدم الله يفرج لك ويسهل لك يااارب
أنا جربتها بولدي البكر قبل 15 سنة في مستشفى العسكري بالرياض وسواها لي جراح وقال لي ما راح تحسين بالولادة وهي ابرة صغيرة ثبتها في أسفل العمود الفقري متصلة بلي بإبرة كبيرة جداً فيها البنج ويسرى البنج شوي شوي في جسمك مثل أبر المغذي , ثبتها وراح وبعدين رجع وأنا أتألم من ظهري وبطني ورجولي فقال لي إن كمية البنج اللي تدخل جسمي قليلة ويبي يزيد الكمية بس إن الولادة بيطول وقتها فرفضت عشان أبي أخلص رغم إني أنا اللي طلبت يسوون لي إبرة الظهر ما أحد عرضها علي سمعت عنها من الحريم وصح ماحسيت بالدفع ولا دفعت ما حسيت إلا والولد في يد الدكتورة بس كنت أحس بآلام في ظهري ورجولي وما حسيت بألم الطلق , أما ولادتي الثانية كانت أسهل بكثير ولله الحمد وما أخذت ابرة ظهر ولا شيء بس ابرة في الفخذ . وما أدري هل الولادة الأولى كانت صعبة بسبب ابرة الظهر أو لأنها بكرية أو بسبب يد الجراح وإنه حط بنج قليل الله أعلم وبعض الحريم يقولون إنها تسبب الشلل إذا أخطأ الجراح في مكان الإبرة .
ويمكن الآن تطوروا أكثر ..... أنت استخيري والله يكتب لك الخيرة ويسهل عليك ولادتك ويرزقك الذرية الصالحة .......آمين

الحمد لله انا اخدتها في بنتي وولدي في مستشفيات المانع والله انها رحمه وفيها الخير ومرت ولادتي باحسن حال والحمد لله الدي علم الانسان ما لم يعمل اخديها واملائي وقت ولادتك بالدكر

آآآآآآآآآآآآىب