السلام عليكم ورحمة الله وبركاته
اللهم لك الحمد كما ينبغي لجلال وجهك وعظيم سلطانك
اللهم لايبلغ مدحك قول قائل ولا يجزى بآلائك احد
لك الحمد لا نحصي ثناء عليك انت كما اثنيت على نفسك
وجهك اكرم الوجوه
واسمك اعظم الاسماء
وعطيتك احسن العطايا
انت الرب وسواك العبد
انت الخالق وسواك مخلوق
انت الرازق وسواك مرزوق
انت القادر وسواك عاجز
ولا معبود بحق سواك
ولا إله الا انت وصلي اللهم وسلم وبارك على نبينا محمد
خواتي الغاليات ابشركم
ابشـــركـــــم
ابشركم
ربي سبحانه وتعالى استجاب ودعائكم
تذكرون موضوعي قبل اكثر من شهر
http://forum.hawaaworld.com/showthread.php?t=2492263
امس اتصل فينا المسؤول يبشرنا بقبول اخوي بالتخصص اللي نبيه :icon28:
من بعد ما كان شبه مستحيل انه ينقبل لكن بفضل من الله ربي استجاب دعائكم
ماشـــــاء الله لا قـــــوة إلا باللــــــــــــــه
ماراح انسى وقفتكم معاي الله لا يحرمني منكم
وانا عند وعدي لكم دعيت وراح ادعي لكل البنات اللي دعوا لي
<<فرحااااانه
حبيت اقولكم هالبشاره عشان ارفع معنويات البنات اللي يدعون وما استجيب دعاهم
وترى ربي كريم ما يخلى عباده
اهم شي الاستمرار بالدعاء وعدم اليأس وحسن الظن بالله عز وجل
بس بغيت منكم شي صغييير بعد
<<<طماعه بالدعوات
هذا ســـــادس رمضان اصومه مع اهلي الله لا يحرمني منهم بعد طلاقي
عمري 26 وبنتي وحيدتي بتدخل اولى ابتدائي هذي السنه
تطلقت قبل 6 سنين بسبب سحر تفريق وحسد شدييد سبب لي معاناة مع المرض قصة معاناتي طويله والحمد لله على كل حال
كل رمضان ادعى ان الله يرد لي طليقي( اللي كنت اسوى عيونه) لكن الله ما كتب
مو ناقصني جمال ولا شهادة ومن عايله معروفه والكل يشهد لنا بالاخلاق العاليه والدين
والى الآن ما انكتب لي الزواج او العوده لطليقي ولا خواتي
كل بنات قرايبنا متزوجات اللهم لا حسد حتى الصغار تزوجوا الا انا وخواتي:44:
وطامعه بدعائكم لي ولخواتي بالازواج الصالحين ويفرح قلب امي ابوي
وان الله يحفظ اخوي وحيدنا ويصلحه ويهديه ويرزقه الزوجه الصالحه اللي تعينه على دينه ودنياه وبر والدينه ويوقفه في هالتخصص ويسهل اموره
ويحقق اللي في بالي ويستجيب دعاي ويرضى عنا اجمعين
<<<ودها تكتب قائمه بالادعيه بس مستحيه منكم بصراحه
خلونا نتبادل الدعوات بالخير بهالشهر الفضيل عسى الله يستجيب لنا كلنا
ما راح انساكم من دعاي بصلاة القيام ولا عند الافطار
ارفعوا الموضوع ابي الكل يقرى موضوعي وترتفع المعنويات
والله مو نفاق ولا مبالغه لكن من جد اغليكم يا بنات حواء ارتاح اذا فضفضت لكم
الموضوع للمتفائلات مثلي واليأسات برااا
اتغشمرررر
كلكم عزيزات علي والله
اسفه على الإطاله
تصبحون على خيررر
:26:
ربي يخليه لكم ويقر عينكم فيه
واسأل الله بمنه وكرمه في هذه الساعه الفضيله
أن يعضوك بالزوج الصالح انتي وأخواتك ...اللهم آمين