ابشركم ولدت بعد نا عوشرت

السلام عليكم

اخبار الكروشاااات الله يسهل عليهم ي رب
انا الحمدلله استعدت رشاقتي يوم 1433/3/8

كنت منزله موضوع قبل كنت اقول ان الدكتور كتب لي دخول للطلق الصناعي
دخلت الاحد 3/6 الظهر قال الدكتور راح نبدا بالتحاميل لان الرحم مسكر مع انه قبل مفتوح 1 سم
اعطاني التحميله الاولي الساعه 6 الصباح يوم الاثنين وقال ارتاحي علي ظهرك ساعتين وبعدها امشي
مسكت ممرات المستشفي ومشي جا الدكتور الساعه 12 الظهر وكشف قال مسكر ولا سنتي جاني الصياح كنت متوقعه يفتح لو شوي قال لي الساعه 3 الظهر راح احط التحميله الثانيه وجا واعطاني ايها ونفس الاولي ما اتحرك وبعد ساعتين امشي
يوم صارت الساعه 8 بالليل جا وكشف وقال مسكر هنا انا انهرت رجاني صياح مو طبيعي ويحاول يهديني شوي
المهم تعوذت من ابليس وقمت اصلي العشا وانا اصيح واشاهق وادعي الله انها تنفرج
الساعه 8ونص الدكتور رجع لي قال راح اعطيك التحميله الثالثه والاخيره الساعه 10 بس قال ابنزل للولاده فيه حالتين عمليه وارجع لك قلت زين رحت امشي بالممرات وفجاه جا مغص قوي اول مره احس فيه واحس بشوي رطوبه قلت اكيد افرازات مثل العاده وامشي وامشي شوي المغص كل شوي يزيد واحسب بين مغص ومغص وصار منتظم يوم صارت الساعه 10 ما قدرت اتحمل كلمت الدكتور قال ما اتوقع ولاده بس قال شوي وجاي يوم جا وكشف قال 5 سم انا هنا مدري اصيح والا اضحك استغرب الدكتور يقول كيف بساعه يفتح 5 سم سبحان الله اتوقع انه الدعا مثل السحر سبحان الله
نزلت يوم صارت الطلق يزيد واحس الفرج قريب وكل نص ساعه يزيد عن اللي قبله وكل مره يجي الطلق كنت اتنفس كثير علشان تخف الطلقه وكنت اهز خصري وانا علي السرير لاني قريت انو مريم عليها السلام كانت اذا جات الطلقه تهز النخله لتخفف عليها قوه الطلقه وما تحس فيها
يوم صارت الساعه 1 جات الدكتوره وفتحت الكيس هنا ماقدرت اتحمل زاد الطلق مررره كشفت قالت. 7 سم صرت ادعي واتشهد واجلس علي هالحال لين الساعه2 ونص بديت احس بالدفع ناديت الدكتوره وكشفت قالت 9 سم يالله ولاده بسرعه اجتمعو السسترات واستعدو شوي صرت ادفع غصب علي قالت اذا جات الطلقه قولي لنا نساعدك جات الطلقه الاولي ويساعدوني بس ما ولدت والثانيه والثالثه ولدت وطلع احلي ولد بالدنيا بس لاسف ما صاح وتطقطق الدكتوره ظهره مافيه فايده صارت تقوول انعاااااش انا هنا ما قدرت اعبر مدري اصيح والا وش اسوي كنت بس اقول بصوت عالي يارب لا تضيع التعب جا دكتور اطفال يركض وبسرعه سوو له انعاش والحمدلله صاااح وكان شارب مويه كثير واغمي علي من الخوف والتعب وصحوني الحمدلله وجابوه لي حبيته
وكملت الدكتوره تنظيف وخياط وخلوني انتظار ساعه ونص لا يكون فيه نزيف والا حاجه وكانت اموري تمام جات امي لي وزوجي وابوي وكانت مشاعري مختلطه بين ضحك وصيااح بس كنت كل شوي اقول الحمدلله غصب علي حتي خواتي يسموني حمده ههههه
الحمدلله ربي رزقني بطفل تام الخلقه والله يجعله من عبادك الصالحين ومن حفظة كتابك ي رب

معليش يابنات لو فيه اخطا اعذروني لاني داخله من جوال واي سوال انا حاااضره