ابشركن سكنت بيتي الجديد ولكن

السلام عليكم
ياخواتي سكن بيتي لكن من سكنا وزوجي بس متنرفز من نفسه وان قفلت باب ولا ابسط شي انفعل ويلعن ويشتم ويدعي ان الله ياخذ روحي ويرتاح مني ليش لاني قفلت الباب عليه وانا احسبه برا البيت والحين فيه عمال وبنتي طاحت على راسها وطلعت وجابه لي واسأله وش فيه وشلون طاح ليش ماتعلمني تريحني بنروح المستشفى وانا اكلمه كذا يتهددني وبيمد يده علي قدام العيال ويسكتني بعد ماراحو العمال جيته قلت كل رده فعلك هاذي عشان اني اسال عن بنتك شلون طاحت وابيك طمني بس تدور الزله علي قال صوتك يسمعونك العمال قلت واذا سمعو قال ايه انتي قليله حياء يقول اسكتي ولا جهزي اغراضي اقلعك لهلك قلت لا اروح بطلاق قلت لاتجي بعد يوم يومين عشره تدورني لاروقت انت تكلم علي وانا لا مالي حق اتكلم اسكتي اكتم قهري واسكت وانت كل كلمه تقولها عادي اهم شي اسكت لاصار زعلان وانا يعني طقاق
جمعت اغراضي وهو يطردني اطلعي وطفي النور وسكري الباب
وقبل امس يقول انتي ماتستاهلين البيت ولا كل شي سويته لك ليه بعد ماذكر على شي تافه
وقبل بيوم اشغل القران بالتلفزيون يطفيه اقول ليه تطفيه زين القران بالبيت يطرد الجنون قال الجنون كلها براسك سكت وطلعت وسكرت الباب