ابطلبكم طلب الله يخليكم ارجو من الكل يدخل

السلام عليكم اخباركم خواتي
ابدخل بالموضوع بسرعه لاني مقهوووره وقلبي احترق على امي الغاليه تكفووون ابغاكم تدعون لها امي في كرب عظيم مانقدر نسوي شي غير الدعاء صبرت على ابوي 30 سنه :44:ولا عوضها بربع اللي سواه لها
امي مظلومه وعايشه بظلم ابوي الظالم اللي مايخاف الله فيها وفينا
وصبرت وكبرت الغاليه وللحين يهينها ويظلمها ويضربها ويضرب خواتي واخواني تزوج عليها وحده ماتخاف الله حطت بينه وبين امي وظلمت خواتي وظلمت اخواني انسانه ماتخاف الله مافيها ذرة انسانيه شريره تسوي المشاكل وتصير تطالع وتتلذذ بدموع امي وخواتي وتضحك بسخريه وامي مسكينه على نيتها قلبها طيب وبسرعه تسامح حتى انها مسوينها مربيه لعيالهم تجيب عيالها وترميهم على امي وتضحك هي وابوي ويقولون حنا نجيب وانتي ربيهم :44:
وابوي مايعدل نهائيا ولا يعطي امي حقها وكثير يخون امي ويروح ينام مع الحقيره بليلة امي وفوق ذا كله مايصرف عليها ومايعطيها شي ولا لخواتي ويمنع اخواني يعطونها شي بس يعطي الحقيره وتجي تقول لامي وتحرق قلبها وانا مابيدي شي لاني بعيده عن امي ابوي بعدها عنا علشان يحرمها منا لان دايم بوقت ماتكون متضايقه نجيها ونوقف معها صدقوني مو عارفه وش اسوي ابوي ظالم واكبر ظالم وهذي الحقيره سوت مشكله اليوم ظلمت خواتي وحطت بعرضهن وابوي راح يوديها لاهلها ويرجع على قولته باادبكم واطردكم طردت الكلاب :44:
قولولي وش اسوي انا من القهر دعيت عليه لانه دايم ظالم امي نفسي اشوف امي متهنيه والله يابنات والله الذي نفسي بيده ان ابوي من اخذ امي يهينها ويضربها ويشك فيها مدري ليش واللحين جت وحده مشته على كيفها وش ماتقوله يسويه قولولي وش اسوي :44: انا تعبانه نفسيتي وخواتي كلهن محترقه اعصابهن والله دموعي ماجفت ابغى اشوف دعواتكم لامي من قلوبكم علشان ارتاح تكفون ادعولها بالفرج ماابغى تروح حياة امي كلها وهي للحين ماتهنت انا خايفه عليها :44:حسبي الله على اللي ماتخاف الله
ماصارلها 3 سنين وقلبت حياتنا الله يوريها يوم اسود مثل ماسوت بامي وخواتي وظلمتهن