ابغا منكم نصيحة كيف أتصرف

سلام عليكم
جئتكم احتاج نصح ،، حطيت مشكلتي بمنتدا والحلول كانت غير مفيدة مثل ( انقلي من كليتك ) وطبعا هذا مو حل
واتمناا منكم تساعدوني


مشكلتي تكمن في استاذتي اللي بالجامعه
انا طالبه في الجامعه .. مشكلتي الاولى اني حياويه وخجوله بشكل اكثر من اللازم واستاذتي هذي لاحظت فيني هالشي
بداية اهتمامها فيني كان عادي .. ما أنكر اني استغربت في البداية بس احسنت الظن وقلت ودها تساعدني اتخلص من خجلي الاجتماعي

اللي مأخرني كثير 
بدأ يتطور اهتمامها لدرجة انها صارت تسألني اسئلة شخصية .. كم اخواتك كم اخوانك ؟ كم ترتيبك وهل ابوك متزوج على امك !
وكنت اجاوبها عادي لأني احسنت نيتي 

بصراحه وعلى بلاطه .. انا ماني مراهقه ! لكني عارفه ان عندي مشكلة نقص اهتمام :)
انا اصغر اخواتي واخواني ابوي متزوج 3 حريم وامي الاخيره ..
اخواتي واخواني كلهم متزوجين واخر اخت تزوجت في شهر 5 الله يوفقها يعني بالبيت مافيه الا انا 
ابوي رجال كبير .. بمعنى اخر مايفرق انا مين واختي مين !
لمن يشوفني يناديني يا حسنا ولا يا بشاير .. وبشاير يناديها يا ياسمين ولا يا بدور وهكذا 
امي مريضه الله يرفع عنها ويحفظ الجميع 
الترم اللي راح كنت اخذ مادة مع استاذه طيبه كثير وشرحتلها وضعي ان امي انسانه تعبانه واحيان مااقدر اداوم عشان اكون معااها وكثير راعتني 

لكن تفاجأت اخر الترم انها رسبتني في المادة مع العلم اني شاطره والله وحليت زين .. بعدين قالتلي الاستاذه الاولى انها هي اللي كانت ورا رسوبي بالماده !! بحجة انها تبغاني اخذها معاها الترم اللي بعده وتكون درجاتي فيها احسن ويرتفع المعدل 

زعلت كثير .. بس مابيدي شي قلت مومشكله اطلع بمادة الحمدلله احسن من مادتين 
قابلتها الترم اللي بعده وفعلا اخذت الماده معاها .. لكن لاحظت انها دايما تنظرلي نظرات غريبه وزميلاتي لاحظو وبعد كل محاضره تقول ياسمين انتظري ابيك 
وبدأت تلمسني بطريقه فعلا مقززة .. اللي خوفني اكثر انها انسانه كبيره بالسن فوق الخمسين .. وانا فعلا كنت احترمها بشكل كبيره وكنت شايفه فيها مثلي الأعلى 
انصدمت بتصرفاتها معاي .. وللأسف من كثر ماستحيت اواجهها .. استمرت !
بعد كذا وبرضو من كثر ماستحيت اتكلم صرت اتهرب 
ماعدت احضر محاضراتي .. احيان ماصرت اداوم اصلا عشان مااقابلها ولو صدفه في اسياب الجامعه 
صارت تتصل علي في اوقات مو مناسبه .. قبل الفجر واحيان على اذان الفجر وترسل مسجات غير لائقه بمكانتها 

صارت تراقبني بكل مكان وتعرف كل استاذاتي وتسألهم عني اذا داومت او ماداومت لدرجة انها طلبت من استاذه ثانيه تستدعيني مكتبها وتكون هي موجوده عشان تشوفني وتستفرد فيني مره ثانيه 
وفعلا استفردت فيني في مكتبها وكان اشنع يوم بحياتي طلعت عند صديقاتي عيوني جمر من البكى 

صرت اكره الجامعه وكثير افكر اني اسحب ملفي بسببها 
والله تعبت منها احيان ابكي من القهر مدري ايش اسوي معها 
المشكله انها دكتورة كبيرة ولها مكانتها في الجامعه 
ولو اشتكي عليها بتطيح فوق راسي


منججد مستحيه لدرجة اني ماقلت لاحد من أخواتي ولا أمي