ابغا موديل لفستان شيفون

ام ماسه :

اختي موكلي .. ابد لاتحتارين .. اذا عندك قماش شيفون .. يبيلك ثوب ناعم .. ودايما بالبساطه بتطلعين غير .. وشرايك انا عندي موديلات راح تعجبك انشالله .. اول موديل ..راح يكون ثوب ضيق طويل وشوي له ذيل من ورا والفتحه من فوق من عند الرقبه والصدر راح تكون مربعه كبيره من قدام ومن ورا والاكمام تجي مكسره من الكتف وثلاث ارباع ومجموعه من عند الاطراف .. وممكن انتي تجيبين عقد اكسسوار طويل من الاحجار من نفس لون الثوب او لون يمشي مع الثوب .. اوتربطين على الرقبه شال شيفون مطبع او ذهبي او فضي حسب ماتبين انتي .. الموديل الثاني .. ثوب عادي طويل وقصه ناعمه تجي ضيقه بعدين واسعه ويكون من فوق الاكمام جبنيز واسع والفتحه دائريه او مثلثه على ذوقك .. مع اكسسوار مناسب .. الموديل الثالث ممكن تسوينه قصير من قدام شوي وطويل من ورا ومن فوق تسوين اكمام طويله او بدون على ذوقك وتلبسين نعال تكون ربط على الساق او ممكن تلبسين شراب مشغول ومطرز انتي تقدرين تسوينه عند الخياط تشترين شراب شفاف طويل حسب اللون اللي يناسبك وتخلين الخياط يركب عليه تركيبات واحجار فيها لمعه .. او ممكن تسوين ثوب طويل مع اكمام طويله وضيقه والثوب راح يكون ضيق على الجسم والفتحه من فوق مثلثه او دائريه كبيره مع عقد او حزام او شال تربطينه على رقبتك.. وفيه موديل ثاني انا بصراحه افكر اسويه ..بيكون ثوب عادي ضيق وطويل والاكمام بعد طويله وضيقه وحتى من قدام مسكر كله .. ومن ورا من عند الظهر راح يكون الشغل.. ممكن تسوين فتحه على الظهر او تخلينه شبك او تور وعليه شك خفيف .. انشالله تكونين استفدتي من هالافكار.

اختي موكلي .. ابد لاتحتارين .. اذا عندك قماش شيفون .. يبيلك ثوب ناعم .. ودايما بالبساطه بتطلعين...