ابغى آرائكم بعد ماتحطوا نفسكم بهالموقف ضروري

عندك زوج بار بأمه وابوه وأخواته هو عونهم بعد الله بكل شي من ايجار وتماشي وعنده اخوات مطلقات يحبهم ويهتم فيهم ورجالهم اذا غلطوا على اخواته مايقصر معاهم واساسا يخافوا منه 
وهذا الزوج اجتماعي وله علاقات كثيره هذا بالنسبه لحياته العامه 








اما الخاصه معاك فهو طيب وحنون ومايقصر معاك ابدا بتماشي وطلباتك اوامر يحب اهلك ويحب يساعدهم وانتي يرفع راسك بين الناس عامة ومع اهلك واقاربك خاصه ويدلعععك كثير ودايم يذكرك بالخير حتى في مجالس الرجال وماعمرك شفتي فيه شي غلط او حتى لاحظتي عليه تصرفات غير سويه وعموما حياتك معاه جميله ومبسوطه ،،،








بيوم من الايام الهيئه عملت له كمين ومسكته بتهمه ممارسة ... مع رجل اجنبي لكن هو قالك انا مظلوم ومااعرف هالرجل ولا بيني وبينه اي علاقه وانا خرجت علشان اقابله في نفس المكان علشان اربيه على ازعاجه لي وكلامه الوسخ اللي كان يقوله لي علما بأنو ماعليه اي اثبات بجواله




وفي التحقيق الرجل الاجنبي قال انا مااعرفه بس
الهيئه و -شخص يعتبر المخبر- استدرجوني وقالوا اذا طيحت الرجل هذا في الكمين نعطيك الفين ريال واكتشف ان الهيئه مسكوهم الاثنين ودخلوهم بالسجن ومااعطوه الالفين ريال،،




بعدين كلمك وهو يبكي وقال لك انا مصاب بالايدز 
وانا واثق من نفسي ولا عمري غلطت بالفواحش وذي الاشياء ولما عرف انه مصاب بالايدز انهار وطمنوه اللي بالمستشفى ان الايدز ممكن ينتقل من الحلاقه والحلاقين واقتنع بهالشي ،، 




لحد هنا ممكن في غموض بالسالفه وانو يكذب وممكن يكون فيه علاقه بين قضيته ومرضه 




لكن المفاجأه في الجلسه اللي بالمحكمه اكتشف القاضي ان مشايخ الهيئه شاهدين عليه زور و ان المخبر هو فلان الفلاني و فلان الفلاني هذا طلع شخص بينه وبين هالزوج مشاكل و هو اللي جاب الاجنبي وقال بعطيك الف وتستدرج هالادمي ورفض ورجع هو واعضاء الهيئه قالوا نعطيك الفين  اذا طيحته بالكمين،،،،،








(((علما بأن مافيه احد من اهل الزوجه يعرف بقضيته لانه انسان كوويس ويحبووه وماحبت تشوه سمعته
وهي صابره ومتحمله هالهم لوحدها وماتدري اش بيحكم عليه القاضي ولما راحت له زياره لقيته مربي دقنه وحاافظ جزء من القرآن وتقول تغييير للافضل من الناحيه الدينيه كثيرررر وطبعا قبل ماتشوفه قال لها الضابط عن مرض زوجها وقال ابغاكي تروحي تحللي واذا انتي سليمه انفصلي عنه وحتى لو تحبينه💔 والزوج هذا يقول لزوجته انا راضي بكل شي إلا اني اخسرك ولازال متمسك فيها)))




اشرايكم ي بنات هل تستمرين في الحياه معاه  وتكوني معاه ع الحلوه والمره وتساعديه يتخطى هالازمه بكل مافيها كرد لجميله السابق معاك وترجعي تعيشي الحياه الحلوه معاه بما ان الايدز مرض مزمن وممكن اعراضه ماتظهر الا بعد عشر او عشرين سنه وتاخذي احتياطك طبعا  ؟؟ 




او الانفصال وتركه يعاني من الظلم اللي ظلموه واتهموه بشرفه وفضحوه بسمعته وهم السجن وهم المرض الخطير وهم فقدااانك  ؟؟؟...
احتاج ردود الحكيمات لاني ماادري بشنو انصحها خاصة ان الموضوع سري ومااحد يعرفه إلا انا وهي واهله،، وارجو منكن الدعاء له بفك اسره في الجلسه المقبله ونصره على من ظلمه  ولو بظهر الغيب والدعاء لها بالصبر والعافيه،،،