ابغى استثمر 45 ألف وانا في بيتي !! اقترحوا علي ...

السلام عليكم

اخواتي انا داخلة هالقسم رغبة في النصح والتوجيه ولقله خبرتي في الاستثمار وهالأمور
مثل ماهو واضح في العنوان ابي استثمر مبلغ 45 ألف بطريقة مضمونة
طبعا هالمبلغ راح آخذه من بنك التسليف بحكم اني مطلقة
ولازم بعد 3 شهور اسدده اقساط كل شهر 1000
ولهالسبب ابغى اضمن مشروع ناجح عشان ما ابتلش
المشكلة اني ما اقدر اطلع من البيت واروح اسواق او محلات كثير
وكمان ماعندي احد يربي عيالي الي ( الله يهديهم ) ماني محصلة وقت فراغ منهم
فماني عارفة وش اسوي بالضبط
انا محتاجة كثير استثمر هالمبلغ
وافكر كثير في مجال العقار والتأجير بس احس المبلغ ولاشي في هالامور
محتارة كثيييير وخايفة ابغى اضمن مستقبلي ومستقبل عيالي
ارجوكم ماتبخلون علي باقتراحاتكم
واعتذر من الشراكة مع احد لاني خوافة شوي

وكل من تساعدني والله لادعيلها في سجودي