اهلا بيكم جميعا ياامهات ... حابة استشيركم في موضوع الحلاقة أنا سمعت قبل كدا انه الحلاقة للمواليد لازم تكون بإتجاه نمو الشعر يعني بفن مو بس حلاقة والسلام عندي عمي يحلق بدي الطريقة وانا عندي بنت كنت ناوية احلقلها عندو لانه ماشاء الله كل اللي بيحلق عندو شعورهم ناعمة ماخشنت المهم عمي كان مرررة مشغول ولما يفضى انا انشغل المهم لما صار عمرها 3 او 4 شهور قولت خلاص لازم نحلقلها عشان يغزر كان ناعم بس خفيف بس فكرنا انا وزوجي وحلقلها هو بنفسه بالماكينة طبعا اول مرة يحلق لمولود الظاهر ماكان عارف موضوع حلاقة اتجاه منابت الشعر هو عارف بس الحلاق قاله بالموس تفرق ولو ماحلق تمام يخشن الشعر لكن الماكينة عادي حتى لو مو باتجاه منابت الشعر المهم هي الآن عندها 6 شهور ونص اللي من فوق طلع ناشف او خشن شوية لكن اللي من الجمبين والخلف طالع ناعم أنا مستغربة وحتى لما يتمشط الشعر اللي من قدام تحسيه متنافر من بعض مابيروحوا في اتجاه واحد مجموعة يمين ومجموعة يسار متلخبط وحدة بتقولي احلقيلها تاني ولد اخوها صارله نفس الشي حلقله ابوه اول مرة غلط وطلع حلزوني وناشف وخفيف وودوه تاني مرة عند حلاق باكستاني شاطر وطلع الشعر ناعم وغزير
انا محتارة احلقلها تاني عند عمي ويطلع ناعم ولا مايطلع؟؟؟ ولا اسيبو كدا وخلاص ممكن ينعم ولا يخشن وبعدين احس بالذنب
اللهم خيرلنا واختار لنا ... آمين
في احد صار معاه نفس اللي صاير معايا ؟؟؟ أبغى النصيحة
dr-lolo @dr_lolo_1
عضوة جديدة
يلزم عليك تسجيل الدخول أولًا لكتابة تعليق.
dr-lolo
•
:04:
الصفحة الأخيرة